التباشير الثاني عشر 12 لمواليد2022 يناير و فبراير 🌨❄

اي والله إنك صادقة حتى مع الدورة اتذكر يفرق الاهتمام

كلامك صح

صدقتي
حماتي يوم ولدت مسكينة لبست لبس خفيف وتعرضت للمكيف من غير قصد
والله انها بغت تموت مسكييينة جتها حمى النفاس لعبت في صحتها لعب تقولي حرارتي ماكانت تنزل الا ١٠دقايق بالكثير وباقي اليوم مرتفعة وامتلى جسمها مويات حتى انها وصلت للرئة بس رحمة ربي ولطفه فيها تعافت بعد اسبوعين او ثلاثة اسابيع من ولادتها
بس تقول انها جلست بعدها فترة ذاكرتها تعبانة شوي والتركيز تعبان بس الحمدلله ربي لطف بحالها

صباح الخير بنات
اخباركم وحشتوني
جد الفترة الي راحت كانت فترة عصيبة ومازلت دعواتكم الله يهون ويشافيني


من جاتني كرونا وانا قلت يومين واخف وقمت اقاوم اول اسبوع
بعدها ع يوم الجمعة انتكست وزادت حدة الفيروس وهاجمني بكل شراسة وجاتني سعلة جافة قوية ماتوقف ورحت المستشفى طلعت النتيجة كرونا
ورجعت البيت اعابل بروحي سواخن وعسل وزنجبيل واتجنب البارد وظليت كم يوم يا اشرب في المشروبات او نايمة ليما عجزت ولا اقدر اسوي ولا شي ولا غسلت الثياب ولا عرفت المس الاغراض للاسف
الخميس قعدت الصبح وياي نوبة سعال قوية وقمت شربت دوا وبندول وجيت بنام تفاجئت ان جايني طلق الساعة ٩😳 خلصت الطلقة وبعدها طلقتين بعد خلال اقل من ساعة
مباشرة قلت لزوجي وقالي يلا قومي شيلي الاغراض قلت لا مو شرط ولادة
وشوي تجيني كحة واحس شي قوي نازل جيت بجيك الا هو دم وماااااااااااااي وقمت على طووووووولي استنفار الاولاد خلينا عمهم يوديهم لامي
وجهزت شنطتي وخليت زوجي ينزل كلشي الوالدة تتصرف فيهم
رحت المستشفى على ١٢ ونص فحصوني قالو ١ سانتي وبعدها الطلق اشتد وفحصوني مرة ثانية بعدده ٤ سانتي وهالحزة حسيت بدفع شديييييييد وهم رافضين يولدوني ققالوا لي نطري بس يطالعون ببرود يقولون بعدش ٥ سم العصر ووصلت حدي وقمت ادفع بسرعة وصار استنفار وقالوا لي لا تعصرين ماقدرت لين ماطلعت بنتي نزلت بروحها وبسرعة قصو الحبل السري واخذووها عقب رجعوا للمشيمة والخياط بعد كان مؤلم الله يكتب الاجر
اخذو بنتي وانا رحت جناح المصابين ولا ادري عنها شي للاسف وارتفع علي ضغطي بالاضافة للكحة وتعب الكرونا ومازلت اعااني
دعواتكم الله يشافيني ويلتم شملي يارب

ياعمري الله يشفيك ويهون عليك يارب
وإن شاء الله تتعافي وتفرحي بطلعتك وبشوفة بنتك وتتذكري هالايام وتقولي الحمدلله عدت