سؤال عن النفاس الله يرزقكم الجنه

السلام عليكم ورحمة الله وبركاته

شحالكم الغاليات
ما اطول عليكم بس انا والده من 55 يوم تقريبا والصراحه تعقدت من النفاس لاني مب عارفه اذا كنت طهرت وخلصت او لا ..:09:
باختصار انا وقف معاي الدم والكدرة البنيه في العشرين الاخيره من النفاس وبعدها قعدت تنزل مني مجرد افرازات صفرا وكنت اقول هاذي كدره لكنها طولت لحد 43يوم تقريبا وبعدها نزل علي الدم مره ثانيه واعتقد انه الدوره وظلت معاي تقريبا 5 ايام وبعدها نفس الحاله بس ظلت تنزل مني افرازات صفرا وقلت اكيد كدره لكنها طولت ولليوم تنزل مني نفس الافرازات وتقريبا ممكن تكون نقطه او ثنتين خفاف في اليوم الواحد حتى الافراز يكون احيانا شبه الماي
والله محتاره ومب عارفه هل هذا يعتبر من النفاس اولا ..
كل يوم اقول بكره بطهر لكن نفس الشي اشوف هالافراز ويصيبني الاكتئاب واحيانا اقول يمكن انا طهرت واحسب اني ماطهرت وهالشي عادي يصيب الكل بس والله مب عارفه واحاتي الصلاه واايد مش عارفه اغتسل واصلي والا ان هالافرازات الصفرا تعتبر كدره ومن ضمن النفاس
اتمنى اذا حد فيكم يعرف اللي اقصده ما يبخل علي والله يرزقه كل خير

اسفه طولت عليكم والله يحفظكم