تعالو انصحوني 😔

نورتي يالذة كلامك يشرح الصدر.
ادري انو الطلاق صعب خصوصاا عندي 4اطفال..
لكن احيانا اشوف انو الطلاق ارحم من هالعيشة ..
زوج نرجسي متسلط..متحكم بكل شيء لا صديقات لا جارات لا روحات عند اهلي الا بشق الانفس رغم انو احنا بنفس المدينة
.اتنازل كثيير عشان احافظ على عالعش من الانهيار ..
لكن اشوف منه غير الانتقاد والاجحاد..يمكن يتعدل اسبوع ويرجع لعقله ويمدحني ويمدح صبري ويعتذر....بعدين يقلب نكد وانتقاد واساءة
.انسان مريض.
بالنسبة لابوه مايعرف يطبخ له الي يبي.خبرته بالطبخ قلييل يادوب اكلات خفيفة.
وابوه رجل كبير في السن ومريض ماياكل اكل المطاعم... ومو متعود اصلا ياكل من برا.يعني انا المسؤولة عنه ..
اذا رحت عارفة راح يبتلش ومايعرف لايقدم ولا يأخر..وهالشي ابيه عشان يعرف قيمتي.
لكن ابوه اعزه واحترمه ماابي يتشرشح بسبب مشاكلنا..
عقلي تعب من التفكير ومالقيت حل ابد.
مشكورة لذة على كلامك الجميل

صدقت الله يجازيكي خير
رايي تروح لاهلها ليحس بقيمتها وشغلها وتعبها وتغير جو وترتاح من الضغوطات حتي لو ايام قليلة

الخطأ انك تحاولين تعالجين الآثار الجانبيه بشوية مسكنات ومهدئات وتتركين الجذور والاساس تالفه
من ردودك فهمت ان زوجك عنده مشاكل في اطباعه وشخصيته تجاوبتي معاه سنوات والحين وصلتي لمرحلة الانفجار وتبحثين عن الخلاص
وفعلاً الحياة بلا فسحة حريه للنفس خانقه ومرهقه
اما روحتك لأهلك هل في رأيك راح تحل وتغير السلبيات اللي في زوجك ؟
ورجعتك له من اهلك بعد الغياب هل راح تكون رجعه مختلفه عن سابقتها ؟
وهل انتي عندك استعداد تتغيرين وتاخذين حقوقك البشريه مهما كلفك الثمن ؟
اسألي نفسك مثل هذي الاسئله وراجعي نفسك قبل تفكرين تقدمين على أي خطوه وأي قرار ارتجالي عشوائي غير مدروس
انا ما اشوف ان روحتك لاهلك لها قيمه اذا ما كان خلفها هدف وتغيير ووضع النقط على الحروف وحسم الامور المعلقه من سنوات بخصوص مساحتك الشخصيه وحريتك في العيش والاختلاط بالبشر بدون تعقيدات
التسليك والتفويت والتجاهل وتكبير الدماغ في بعض الاوقات يكون مطلب عشان تتوازن وتستمر الحياة لكن بإتزان بدون إفراط وتحميل النفس فوق طاقتها ، كذا لازم الطرف الاخر هو اللي يتعاون ويلين ويخف شوي من الانانيه والعنتريه
وضعك هذا لازم انتي اللي تقررين وش اللي تبين بالضبط وتحسين انه يناسبك وقادره تخوضينه بحلوه ومره وتتعايشين معاه وتتقبلينه بلا تذمر ولا لوم ولا عتاب
اعطي نفسك وقت لمراجعة النفس والتفكير بدون مؤثرات وتدخلات او شحن عاطفي وانفعالي وان شاء الله ربي يرشدك للصواب

الله يساعدك ي ختي ويريح بالك

كله في كفه، واربعه شهور ماشفتي اهلك ورفضتي تروحي لهم في كفه ثانيه..



وبدال ماترحمين نفسك وتروحين فترة نقاهه لاهلك وتبريهم وتزوريهم وتقومي بقليل من حقهم قاعده تفكري في ابوه!



طيب ابوك وامك ياشروق مايستحقون منك الزيارة والبر؟

وهل ابوه اولى من ابوك وامك؟



بعض الاحيان الانسان يساعد في ظلم نفسه..


كل التنازلات اللي قدمتيها ماابغا اناقشك فيها لانك قدمتيها بكامل ارادتك وتضرك لوحدك لكن هذا الشي ضر اهلك اللي ربوك واللي يستحقون منك البر...

ويستحقون تفرحينهم بزيارتك واهتمامك وانقطاعك عنهم ماله مبرر ابداً..


واعرف في الحياه الزوجيه الكثير من الزوجات الطيبات َالصبورات اللي مثلك يدورون على قشة امل تشجعهم على الصبر وهي انه زوجك تعبان او معيون..

لكن بصراحه مااعتقد..

واذا كنتِ محافظه على اذكارك والقران هذا كفيل باذن الله تعالى انه يشفيكم ويطرح البركه في بيتكم هذا لو فعلاً فيه شي..

لكن اللي في زوجك اجتهاد شخصي منه وتسلط..



طبعاً ماانصحك بالطلاق خصوصا بينكم اربعه أطفال، لكن لازم يكون في تغييرات جذريه في حياتكم علشان تستمر..



اسأل الله ان يفرج همك..

ماانساك باذن الله من دعائي 🤍