التباشير الثاني عشر 12 لمواليد2022 يناير و فبراير 🌨❄

ما شاء الله

ألف الحمدلله على السلامة لولوش مبروك ما جاكم 😍

عروب وين اطرشه ادخل على اسمك وبعدين في الرسالة الخاصة هههه ؟؟؟
ماعرف صراحة ولا مرة طرشت 🤭😂

الله يسلمكم جميعا ويبارك فيكم وعقبال اللي ماولدوا تهون عليهم
طبعا من يوم السبت حسيت نفسي مسدودة وجاني الم في بطني كلها وكان يروح ويجي بس مو مثل الطلق وكنت اقول لزوجي يمكن من الجوع
صباح الاحد رحت لدكتورة في مستوصف خاص وقالت المويه ناقصة شوي وخوفتني وقالت انتبهي يسووا لك عملية طبعا هي كانت في المستشفى اللي بولد فيه وطلعت منه قبل سنه ف عندها خلفية عن سمعته وكمان الضغط مرتفع شوي وقالت لازم تسوي تخطيط وكمان عندي فطريات وخوفتني منها
رحت من عندها ع دكتورتي نفس الكلام قالت عن الضغط والفطريات وخوفتني منها مره تقول تأثر عالبيبي
وطبعا كلهم فحصوني
قريب المغرب سويت التخطيط وطلعت وتعبانة وجوعانين انا وزوجي رحنا مطعم رغم اني مشتهية بس جوعانة وانا فيه حسيت بمغص وطلق خفيف ومن هنا بدأ الطلق معي كل ساعة كل نص ساعة يعني مو منتظم وطبعا لما رجعت البيت لقيت دم مايل للوردي عرفت انه السدادة بدأت تنزل
انتظرت صباح الاثنين قلت يمكن يشتد او ينتظم ماصار شيء الا ان السدادة نزلت خمسة العصر و في الليل قبل ماانام اخذت دش دافي لمدة ربع ساعة ودهنت بزيت زيتون واتقرفص كثير
وكنت اشرب حلبة او يانسون وتمر
لكن مانمت زين الطلق يصحيني من النوم ورحت فجر الثلاثاء لهم وقالوا ٢سم وفحوصني اكثر من وحده ودكتورتي حسستني باليأس ان ممكن يقعد هالالم لاسبوع عادي جدا بس طبعا كان عير محتمل فماصدقتها
قلت رجعت البيت فطرت وابغى انام لكن ماقدرت من الطلق اللي بدا يشتد وظليت تعبانة وواحذ غفوة وانا قاعدة الين بعد العصر زوجي قال يلا طلعنا تمشي ومشيت لين سته بدأ الطلق ينتظم بس انا خايفة اقول يمكن اتوهم يمكن مو ولادة وجيت اخذت دش دافي وببعدها حلبه مع تمر وكنت افكر في وضعي ووضع امي اللي وحشتني وهي تعبانة مره انهرت بكا وكان الالم منتظم رحت ع تسعة وعليها قالت فاتح ٣سانتي وقريب اربعه وماشاء الله وضعك كويس والرحم مو سميك واضح إنه يجيك طلق من كم يوم
وحطت التخطيط ساعة بعدها احدد ترجعي البيت ولا ولادة وفعلا فتخ ٤سم وهنا بدأ التعب كل شوي يفحصوني ويعصبوا مني علشان مااخذ نفس كويس ماعرف حسيت بشعور وحشه معهم ماغير الفلبنيات هم اللي يشرحوا الصدر ممرضيتن كانوا مع الدكاتره
طبعا كل مافحصوا يفتح الرحم بسرعة مره سبعة واللي بعدها ثمانية وبعدين تسعة وفجأة عشرة وكانت الساعة ١٢وع وحده رحت غرفة الولادة وولدت الحمدلله وجبت محمد
صبرت في البيت مارحت بسرعة كنت امشي واتقرفص كثير
القرفة شربها قبل اسبوعين مره وحده لان خفت منها
اكثر شيء حليب بعسل او زعفران او زنجبيل ويانسون وحلبه اللي شربتهم
طبعا الدكتورة تقولي الطلق ورى بعضه والرحم يفتح بسرعة انت ايش ماخذه قبل ماتجي قلت تمر وحلبه وترجع تسألني تقول متأكدة
المهم الحمدلله عدت لحظات الالم والتعب وربي يهونها على الباقيات يارب


اللحين نفسي انام بس مو قادرة مشاعر مختلطة 😢
اسفة طولت عليكم

الدعاء ثم الدعاء الله ثم الدعاء لا تنسوه ولاتغفلوا عنه

ياقلبي ألف الحمدلله على سلامتك وسلامة بيبي محمد
الحمدلله من بعد التعب ولدتين بالسلامة