كل الرجال انانين و انا اريد مصلحتي .... لكن مع من ؟

فعلاً إنتِ مختلفة وشيطانة
بصورة إنساانة..


أول شي
كذاابة الرجاال سألك
متزوجة وكذبتِ
إنك لاااا
لسة بااقية عند أمك..


وهذا غشّ وكذب وماأعرف
كيف بيوثق فيكِ..
مافكرتِ كيف راح يتزوجك
وإنت مكذبة عليه وإلا شكلك
ماراح تقولين له عن زواجك وتكملين حياتك
عَ إنك فقط كنتِ أرملة..


ثااني شي الرجاال ولد جارتك
بيصرف عليكِ
ونيته تجااهك سليمة
لو أفترضناا
لكن فـِ المقابل نيتك
خبيثة وهدفك
تأمنين نفسك عَ قفااه
وتشترين لك بيت
وماأستبعد بعدهاا يطلع وجهك
الحقيقي صراحةً..


دام هذي نوايااك
عمره الله ماراح يوفقكْ
حطيهاا براسك
أصلاً مجرّد قبولك بالعرض وتفكيركْ
وتخطيطكْ
وإنتِ عَ ذمة رجل ثااني أياً
كاان وضعه
خياانة أعوذ بالله منك


أتمنى ولد جاارتك
يفوق لنفسه
ويعرف إن أختيااره غلط
وإن نيتك خبيثة جداً جداً
وإنك إنساانة مصلحجية هدفها
الفلوس وتأمين نفسها
ولو كاان عن طريق الكذب
واللف والدوران
يَـ لطيف..


وماأستغربت لأن عيناتك
كثير
ومن نفس جنسيتك
وجابوها زماان
بحلقة طااش
ومن الشطارة
إنهم كانوا محددين
جنسية عربية محددة..

حسبي الله ونعم الوكيل فيك
وبأشكالك..

دخل الشيطان بينكم
سبحان الله كنتِ مرتاحة ومبسوطه بس كلمة من رجل غريب قلبت موازينك
اتقي الله ياشيخة وانتبهي
وحافظي على زوجك وشيلي فكرة ولد جيرانكم من راسك
وزوجك اذا متضايقه من موضوع المصروف اذا كان مقتدر اطلبي منه حاجتك
الحل مو بالانفصال والوقع بارتباط جديد لا تعلمين ماهي عواقبه !

يااااااهوه اصحي على نفسك ترى انتي على ذمة رجال
وعلى بالك ولد حيرانك اذا عقد العقد عليك مارح يعرف انك مطلقه؟؟؟ وكنتي على ذمة رجال قبله ولا قلتي له
ترى يعرف ويعلمه الشيخ الي رح يكتب كتابكم
وتطلع عنده في عقد النكاح انك مطلقه ولستي ارمله
هنا رح يعرف انك تزوجتي بعد زوجك الاول ولا علمتيه
وراح تهتز ثقته فيك وممكن حتى مارح يكمل معك
فخافي من ربك ولاتخربين بيتك

عزيزتي وانا أقرأ ردودك وااااضح جدا إني قدام شخصية خلوووقة ومتزنة ....
لكن انا ودي أسحبك واخليك في مصارحة مع نفسك
لاني حاسة إن ذاتك محتجزة بين حاجتين
طبيعة شخصيتك واللي هي ظهرت مع زوجك السابق وان طبيعتك في الأساس إنك صاحبة خلق نبيل ومبدأ ...
وبين إن داخلك ألم ترك ندبات لاتردم، وهو كيف قابلك معروفك الغير عادي بالجحود والتنكر ،وكلما صحي هالألم داخلك أيقظ فيك الأنانية وحب الثأر لنفسك ... واحسك مشتتة جدا بينهم ...
لكن لو صارحتي نفسك بجدية ...
عزيزتي مافيه ان الكلمة الفلانية طلعت كذا من فمي ؟
لا ،الكلمة هذي لها دلالات نفسية داخلك
لما يجي رجل وتعرفين انه يحملك مشاعر وراغب في الإرتباط بك،وتقولي له أنا غير متزوجة هذا إيش معناه ياعزيزتي ؟
احسك تتهربي خصوصا بهالموقف من مواجهة نفسك وواضج جدا إنك منتي عارفة وش تبغي بالضبط ...
عزيزتي اللي صار مايرقي لأخلاقك وشخصيتك اقولها لك بكامل الصراحة
انتي بنفسك عندك نوع من الرفض والتوجس من هـ الطريقة وبالمقابل انتي مازلتي عالقة تحت ضغط الألم النفسي اللي سببه لك زوجك لما تنكر لمعروفك... ويدفعك لكثير أفكار ورؤى ماتتوافق مع طبيعة شخصيتك الأساسية فتحسي بهذي الحيرة والتعب
وحنا هنا خارج هذي الضغوطات والموقف نقلك، لا ..انتبههي قاعدة تغلطين
والإنسان اللي يحصل منه الغلط تهونه عليه نفسه حتى يحس انه ماغلط أصلا
الله سبحانه هو من يدير حياتك ويدبرها ، فلمّا تعتقدي ان بالمكر وعدم الصدق ممكن تنجح حياتك فإنتي غلطانة
انتي خدعتي ابن الجار لما قلتي غير متزوجة مهما اعطيتي المبررات
وايضا فيه خديعة لزوجك اللي آمنك على بيته وساترك لما تعطي رجل فرصة يفكر فيك وانتي على ذمته وتعرفين كبرها عند الله
بالمقابل هناك "الله " اللي ينظر لكل هذا ويمتحنك بهذي المواقف،لكن صححي الموقف واعرفي ان التوفيق رديف الأمانة ولايمكن ينفكون عن بعض
وان الخديعة وان حققت لنا مكاسب أولى الا انها في النهاية تبوء بالفشل وهذا مسلّم له عقلا وشرعا ..
عشان كذا احاول ايقظ بداخلك الإيمان والخلق واخليهم مرآتك في التعامل لأني اعرف ومتيقنة إنك صاحبة شخصية عالية الخلق ...
فلذلك اعتبري ان ابن الجار فات عليك من زمان في المرة الأولى اللي رفضتيه ،وإنك الان تحت ذمة رجل مافكرتي من قبل الانفصال عنه فهذا دليل ع رضاك عن عيشتك وتقبلها
الان لما نغزك ابن الجار بكلمة قلبت عندك كل الموازين ! مالها معنى غير انه الشيطان عرف من فين يدخلك !
وهذا الحماس ماهو الا حماس ساعة ولحظة والسكرة اللي تسبق الفكرة ...
فانفضي عن نفسك الافكار وقفلي باب ولد الجيران هذا ولا كأنه انخلق ...
والله يوفقك ويكتب لك الخير والتيسير

وين هذا الكلام بداية الموضوع...
كل اللي قلتيه بداية الموضوع انه زوج طيب وخلوق ومااشتكيتي الا من فرش البيت وقلة المصروف..

وماجبتي طاري هجر وقلتي كل عشرين يوم يجيني، ليه ماذكرتي انه هاجرك هذا لو فعلاً هاجرك..

في ذمتك لولا وجود ابن جارتك وكذبك عليه علشان تجسين النبض وتعرفين رغبته اتجاهك كان فكرتي في الانفصال؟

عموما يابنت الحلال حنا هنا ننصح واللي تسوينه غلط مهما زينتي وبررتي، انتِ وافقتي على هذا الرجل وامتدحتي اخلاقه ورفضتي ذاك الرجل وحياتك ماشيه لولا نزغات الشيطان..

صدقيني الرزق بيد الله عمره ماكان بيد فلان وعلان، ولاتعتقدين انك بتزينين حظك اذا انفصلتي لانه الاحتمالات كثيره ويمكن فعلاً تندمين ع اللي سويتيه..

وحطي هذي الايه بين عيونك..

قال تعالى: (وَمَنْ يَتَّقِ اللهَ يَجْعَلْ لَهُ مَخْرَجاً ٭ وَيَرْزُقْهُ مِنْ حَيْثُ لاَيَحْتَسِبُ وَمَنْ يَتَوَكَّلْ عَلَى اللهِ فَهُوَ حَسْبُهُ إِنَّ اللهَ بَالِغُ أَمْرِهِ قَدْ جَعَلَ اللهُ لِكُلِّ شَيْء قَدْرا)