رمضان مقبل علينا وهذي ناويه تهرب

السلام عليكم
قدمت ٢٣ الف ريال
جلست ٥ شهور هربها السواق من نفس الجنسيه
عرفنا بالكميرات تعاون معانا كفيل السواق ورجع العامله لنا وانسجن السواق
العامله اعتذرت وانا هربت لانه اشتغل ٣ الالف برى بدون اقامة وعندكم راتبي١٥٠٠ مايكفي زودناها ٢٠٠ ريال صار ١٧٠٠ وجلست وتشتغل ونفسيتها عال العال
اللي حصل انه جتني عاملة خالتي من نفس الجنسيه
قالت من بكرا بنت خالتي انه عاملة امي تقول ان العامله حقتك ناويه تهرب مره ثانيه بس تزبط خطه هروب من حيث انه ماتنكشف
وانه قبل رمضان تهرب عشان في رمضان يعطونها ٤ الالف
بس هي انتظر الفرصه
انا ضاق صدري مابان عليها
ناديتها قلت ليش تشتغلي مخالفه وبدون اقامه ان عاملة خالتي قالت انك ناويه تهربين كذا تصيرلك مشاكل مع شرطه بعدين سجن
طبعا انكرت وقالت ان هذيك كذابه وانا تبت وخلاص أبي ارتاح واريح راسي ما افكر لا بهروب ولا شي
خليتها لكن ما اقتنعت ابدا بكلامها
الحين وش السوات انا قلتلها في رمضان بعطيك ٢٥٠٠ بدال ١٥٠٠ هدية
والله ذا العاملات قلق وش اسوي اخواتي عطوني رايكم ٢٣ الف ومالها ٦ شهور. تخيلوووو وناويه تهرب وش الحل المناسب هي ناويه تروح مع اختها من نفس الجنسيه ومخالفه وتستلم اختها ٣ الالف بالشهر طبعا كل هذا الكلام وصلته لنا عاملة خالتي 🥲
وش اسوي شورو علي

55 تعليق 9,600 مشاهدة

شاركي في النقاش

سجلي الدخول لإضافة تعليق.

التعليقات

55
  1. @lh000

    معليش اختي انت موظف
    كان اخذت انت ٢٣ الف و خدمت نفسك وبيتك وعيالك ومشيت امورك بدل ما تضيع فلوسك على الفاضي
    صدق رزق الهبل على المجانين
    عندك احد مريض او عمل كان اخذت وحده من تطبيقات التنظيف تخدم كم ساعه و تروح
    بدل الخسائر و القلق النفسي
    ما صارت الناس تاكل زي زمان في رمضان ترا شهر عباده مو شهر اكل
  2. @rghdh_3

    صاحبة الموضوع
    L.H000
    معليش اختي انت موظف كان اخذت انت ٢٣ الف و خدمت نفسك وبيتك وعيالك ومشيت امورك بدل ما تضيع فلوسك على الفاضي صدق رزق الهبل على المجانين عندك احد مريض او عمل كان اخذت وحده من تطبيقات التنظيف تخدم كم ساعه و تروح بدل الخسائر و القلق النفسي م…
    والله انا قلتلها اذا بتهربين الابواب مفتوحه طبعا هي انكرت
    واخذت جوالها وشفت ماشاءالله اغلب ارقام السعوديه عندها ومرسله لهم اللوكيشن وواجهتها قالت انتم اذا ماتبوني ودوني بيت ثاني انتم شكاكين قلت لا بسفرك وجلست تصيح وقالت خلوني اترزق الله واهرب ولاتخسرون علي تذاكر ههههههه
    طبعا زوجي قال اشتغلي سنتين واذا خلصتي اهربي براحتك ووافقت هههههه طبعا زوجي يقول اقولها كذا عشان تركد وبس تخلص سنتين يطيرها بأول طياره
    والله العظيم شر لابد منه ودائما حظي سيء معهن وتبارك الله اقاربي يجلسن معاهن العاملات بالسنوات اللي لها ٥ و ٦ سنوات والراتب مايتعدا ١٥٠٠ بعد لكن انا دلع وطلعات والراتب أول بأول يجيها ومع ذلك اللي تهرب واللي يجيها هوم سك وحنين للوطن وتطلب تسافر واللي يادوب تكمل سنتين حظي زفت بالعاملات
  3. @diamond_16

    دام حاطه فكرة الهروب في رأسها راح تهرب حتى لو غرقتيها ذهب
    المهم قولي لها ترى الشرطه والجوازات في كل مكان راح تشيلك وترحلك لبلدك يصير لا في ١٥٠٠ ولا فيه ٤٠٠٠
  4. @atlal_alsba

    DIAMOND..
    دام حاطه فكرة الهروب في رأسها راح تهرب حتى لو غرقتيها ذهب المهم قولي لها ترى الشرطه والجوازات في كل مكان راح تشيلك وترحلك لبلدك يصير لا في ١٥٠٠ ولا فيه ٤٠٠٠
    صادقه خوفيها وقفلي البيبان عليها
    مثل شغالة امي جلست 6 شهور والظاهر تشوف اخوي ببدلته العسكريه وخايفه شوي يوم سافر وانحاشي بنت اللذينا اه ياقهر امي الحمدلله الله يخلف عليهاا
    فانتي ياصاحبة الموضوع قفلي البيبان وخليها ماعليك منها

تابعي تجارب أخرى من هذا القسم.