🤍🤎🍃 التجمع 28 مواليد مايو 5 _يونيو6 (2022)🤍🤎🍃

روعه مررره تزززنن هذا اي موقع ؟

مساء الورد كروشات قلبي 🤰🏻🤰🏻
اخباركم جميعاً


حبيت ادخل واطمنكم حبيباتي
واعذروني ماشفت الردود مستعجله والله 🤭


انا بفضل من ربي بصحه وعافيه
صارت بعض الامور لخبطت كل شي بس الحمدلله 🥺🥺


كان عندي مراجعه روتينيه السبت عند دكتوري
وسالفة المويه اللي تنزل كانت مستمره وزادت
وطلب اروح الطواريء وجيتهم وفحصوني
وهم يتناقزون تدخلين ولاده الان 🤭🤭
اقولهم اذكروا الله وش ولادته انا مافيني شي الا المويه
والله ماعندهم فيني الا هم ساحبيني عالولاده 🥺🥺
ياحياتي ياأنا مدري ابكي مدري اضحك
المهم استلسمت لهم وصوموني على طول
اقولهم جوعانه ابي اكل دايخه 😂😂
يقولون ممنوع انتي صايمه تحسباً لولاده مبكره 😩


المهم اشعه وفحوصات وخرابيطهم
وبالاخير قالوا لي عدة اشياء والله مو مقتنعه فيها
ولا مصدقتهم
طلعوا عند وليدي مشكله فالقلب بسم الله عليه من كلامهم
وان اذا ولدناك ماعندنا وحدة عنايه قلب للخدج
فلازم نحولك حكومي
الورم الليفي انتصف في مكان العمليه وهذا يشكل خطر اثناء توليدك 🤭
وممكن يسبب نزيف ومخاطر
السكر اللي معك مو سكر حمل هذا كان معك قبل الحمل ومادريتي عنه وهذا ممكن يسبب مشكله للجنين وتشوهات 🤭
عندك التهاب بكتيري واحتمال هو اللي سوى ثقب بكيس الجنين
وخلى المويه مستمره معك واحتمال دخلت البكتيريا للكيس
واثرت على البيبي 🤭


طبعاً هالكلام كان من ٣ استشاريات اجتمعوا عندي عشان يمهدون لي الاخبار التشاؤميه
وقبلها كان يقولون لازم يجي احد من اهلك ولازم رجال زوجك ولا اخوك
عندنا شي مهم بنقوله
قلت تقدرون تقولونه لي ترى اهلي ماراح يردون عني شي اذا ربي كاتبه لي


سبحان الله يابنات كل مره كانت الاستشاريه ترمي على سم من سمومها
كنت اقول قولي لااله الا الله انا مسويه فحوصات وكل شي تمام
الحمدلله اللي ربط على قلبي وانا اسمع كلامها
ولا يمكن امداني انهرت ولا اجهضت بسبب اللي قالته
بس خلصت قلت كم نسبة ان البيبي عنده مشكلة في قلبه
قالت ٥ او ١٠ ٪؜
قلت انا بفضل ربي اشوفها صفر٪؜
المهم طلعوا من عندي وفوضت امري لله


انا كل كلامهم مادخل مزاجي الا شي واحد فعلاً تخوفت منه
انه عندي ثقب بكيس الجنين وعندي بكتيريا ونوعها قوي
هذا بس اللي خوفني وهذا بحد ذاته يسبب ولاده مبكره
طبعاً على طول عطوني مضاد ونوع قوي عشان يسيطرون على البكتيريا


لي ٣ ايام عندهم متابعه وتحت الملاحظه واموري الحمدلله مستقره
انتظر مستشفى حكومي يقبل حالتي بروح اتابع معهم من باب الاطمئنان

الزبده ياكروشااااااات انتبهوا انتبهوا انتبهوا من الالتهابات البكتيريه
انا كنت ابداً ابداً مو حاسه بشي
لا حكه ولا ريحه ولا تعب ولا اي شي غير كانت بالبدايه تنزل خفيفه
ورحت لدكتوره وقالت التهاب وعطتني كريم ومضاد ٥ ايام
وماتحسنت الحاله وكل مارجعت لها قالت المويه طبيعي بسبب الالتهاب
وكل ماسألت احد قالوا ابد طبيعي بسبب الالتهاب
حتى هنا بالتجمع كنتم تطمنوني انه طبيعي بسبب الالتهاب
وللاسف هو شي مو طبيعي وممكن هو اللي سبب مشكله الثقب بكيس الجنين
الحمدلله على ماكتب ربي وانا ووليدي بإذن الله في حفظه ورعايته
طولت عليكم بس حبيت انبهكم من شي بسيط ( الالتهاب )
سبب شي اكبر ( الثقب )
وبس القى وقت راح اجي اطمنكم
ولاتنسوني ووليدي من دعواتكم

ايه الزبده الثانيه
طبعا الخلفيه الصوتيه تخيلوها
( وانا اركض لتس ركض لو يحطوني مع مسابقة الهجن حقت النياق
اني لاسبق الناقه ) 😂😂😂
سكروا شناطكم سكروا شناطكم ياكروشات وجهزوا كل شي
لأي أمر طاريء
اختكم لاسكرت شنطه ولا خلصت تجهيزاتها
واتخيل اني اولد ولاجهزت شي حلو للمستشفى
واكلم اختي اقولها ابي شي كشخه قالت والله على وضعك مالك الا الهرم قميص ولا بجامه قطن وشال قطن واحمدي ربك 😂😂😂

وسبحان الله سألتني تحسي بحركته قلت الصدق مو نشيط بس يتحرك قالت ايش تاكلين واعدد لها وقلت لها كل يوم اكل موز 🤭قالت بس عرفنا الموز يرفع البوتاسيوم ويرخي العضلات انا شايفته بالتصوير خامل هههههههههه كل سكر مركز وراقبي فقلت اقولكم انو الاكل له دور بحركته