بنات سوال صدمني مالقيت له جواب

والله يازهراء على حسب وقتك ممكن انتي مافي شي يشغلك عشان كذا تسألين ايش هدفك بالنسبه لي اني اربي اطفالي احسن تربيه وطالبه من الله التوفيق

نصيحه التفكير كذا يجيب الاكتئاب كل بني ادم الهدف من وجودهم العباده لا توسيعين تفكيرك اختي كان عندها اكتئاب بعد موت امي جلست فتره تقول نفس كلامك حاولنا نغير تفكيرها واهم شيء بفضل الله وجود العافيه الحمدلله ماقصرتي درستي وحققتي طموحك سويتي الي تقدرين عليه اطلبي الله كل خير واكثري الحمد وتعوذي من الشيطان

استمتعي بيومك واقراي سوره البقره يوميا

كذا مره كتبت تعليقات في المواضيع عن سالفة الشغف
اقول انا اخر كم سنه ما اعرف نفسي وش ابي بالضبط ولا عندي شغف لشي معين ولا عندي اهداف ولا خطط واضحه اسعى في انجازها وتحقيقها وبنفس الوقت توصلت الى انه ماهو لازم ولا ضروري انه يكون عندي شغف وهدف وخطط
فقط اعيش اللحظه الحاليه واستمتع بها واتقبلها واحمد الله واشكره على كل يوم وساعه ولحظه جديدة اعيشها
لا تفكير بماضي ولا تفكير بمستقبل خلينا في الحاضر لان ما قبله وما بعده لا شيء وفي علم الغيب
ومدري اصلاً مين اقنع البشريه انه لازم احفر الصخر وانجز حاجات واركض خلف احلام ماهي في يدي
انا قررت اسمع لروحي وش تبي ، ربما انا محتاجه هذي الراحه محتاجه افضي تفكيري ومحتاجه اركز على اللحظه واستمتع بها واستشعر كمية النعم اللي الله وهبني اياها يعني انظر للموجود واتجاهل المفقود بكل بساطه
انا في سنواتي وايامي الماضيه اجتهدت وانجزت حاجات وغامرت واثبتت جدارتي وقدراتي لكن قدر الله ان الظروف تتغير ولازم اتقبلها مثل ما تقبلت ايام السعه والانطلاق لازم اتقبل هذا الوضع بصدر رحب ومثل ماقلت اشوف النعم اللي حولي وماني معطيتها حقها من الشكر
الخلاصه عيشي اللحظه والحاضر واستمتعي فيه لان روحك ربما محتاجه هذي الراحه مو لازم تركضين مع اللي يركضون كلن له رزقه ونصيبه اللي في وقته المناسب بإذن الله وما يدريك لعل القادم اجمل من الماضي

والله كنا مرتاحين ورايقين ومبسوطين لين خدعونا حقين تطوير الذات بالهدف والطموح الزايد نصطدم بالواقع بعدين نصيح من الاكتئاب
استنتعي بواقعك وبالنعم اللي عندك واهم شي الايمان والروحانية