التباشير( الأخــيــر ) لمواليد يناير و فبراير 2022 🥺🎊🔒

معاني نزلت السداده ونزل افرازات بنيه وتحسي بدفع وضغط وش تنتظرين تكفين مابقى الا يطلع الراس 😣😣😣


روحي للمستشفى يمكن الرحم فاتح كثير لكن الطلق بارد اذا فتحو لك المويه بينتظم الطلق وتولدين على طول

والله سويته كثييير قبل اولد ماسوا شي


ماولدت الا بعد التحريض

اصبري واحتسبي بإذن الله يجيك الفرج قريب
ادعي كثير وتصدقي وصلِّ على النبي وحوقلي
الله ييسر لي ولك يارب

الله يصلحك اذا تحسين دفع روحي المستشفى
وتاكدي كم فاتح الرحم
الدفع طلق
.
.
ام الشيخ انس الف الف الف مبروك 🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉🎉

هلا بنات ..
حابه اقول اكشني يمكن يستفيدوا منه البنات
طبعا المفروض كان موعد ولادتي١٧ فبراير الصراحه ماكنت امشي كثير ولا اسوي شي الا اني اشرب حلبه بين فتره وفترة
لما تعديت تاريخ الولاده تعبت نفسيا قلت اروح اتطمن هذا كان يوم السبت العصر ولما دخلت تشبثت فيني حقت الطوارئ تقول ماتطلعين حاولت وخاصه ان زوجي مأيدها وكانت تقول مافيه خروج او توقيع مسؤلية عالية الخطورة ..
المهم دخلوني وانا ابكي الله لا يوريكم النفسية كيف ..
ماسووا شي طبعا حطوا التخطيط اول مادخلت وبنص الليل وكله ممتاز
صباح الاحد جاء الدكتور قال نبدأ بخطة الولاده انت مطوفه قلت عطني فرصه اسبوع اذا وضع الجنين كويس ..
استخرت وطلعت ع مسؤليتي .. لان كل شي كان تمام وانا بالعادة اطوف
المهم رجعت لبيتي ورجعت لي الحياة .. لما جاء بالليل قلت يالله اي شي اعرفه بسويه المهم مايكون فيه خطورة سألتكم هنا عن كف مريم وبحثت عنه بالنت ولقيت عليه دراسه انه يخلي الطلق ينتظم .. من قبلها بأسبوع وانا معي طلق مو منتظم ..
المهم طبخته لكن ماشربته خفت .. سويت لي زعفران بماء حار معه ملعقة عسل واكلت معه خمس حبات تمر
وسويت كبو كمون ومره ومرامية بماء مغلي وجلست عليه القرفصاء
والصراحة من اليأس والتعب طلعت الدرج وانا اركض يمكن ٧ مرات
المهم رحت نمت ولا صحيت الا صلاة الفجر .. حسيت بطلق خفيف وسخنت كف مريم وشربته مع حبتين تمر وقمت اجهز عيالي للمدارس وبدأ يشد لدرجة ما اقدر اتنفس ودموعي اربع <<< طبعا التاسع كله ابكي تجاهلوا هذي النقطة
وبديت احسب بحاسبة التقلصات كان كل خمس دقايق بس يخليك مثل النخلة من قوته بس كنت اتحرك وامشي ولما تجي الطلقه انحني اتنفس
بعدها اخذت دش حار ع ظهري ٢٠ د وانا منحنية والماء مسلط ع ظهري وكنت كل شوي ازيد الحرارة طلعت سخنت زيت زيتون حار ودهنت ظهري وبطني وبدأ يتقارب وبدأ الخوف يقول زوجي يالله اقوله لا اصبر لين صرت ما عاد اقدر البس عباتي من تتابع الالم بينهم دقيقه بس .. والله يابنات جاني رعب وتبلد ..
المستشفى عني ٢٠ د تقريبا وانا اقول لزوجي ع مهلك من الخوف بس لما تجي الطلقة احس ودي انط مع الشباك .. لما وصلنا ماقدرت انزل من السيارة من الطلق ههههه ما رحمت الا زوجي بلش مايدري وش يسوي دخلت كل ماقالت افحص قلت اصبري تروح الطلقة قالت يابنتي شكلك بتولدي بالطوارئ خليني افحص وادخلي .. فحصت ٧ سم يااااه الرقم هذا اوصله وانا بالبيت انجاز بالنسبه لي ..
ودخلنا غرفة الولادة والله اضحك ع نفسي كل ماجوا بيسوون شي قلت اصبروا ماني قادرة واقولكم عطوني وقتي خخخ لي وجه بعد
فحصت قالت مازال ٧ والرأس المسه .. حطتني وضعية ولاده وقالت افك الماء .. طبعا كل هذا مانزل معي ولا شي لادم ولا ماء حتى افرازات مافيه هذا اللي خلاني اتأخر ما اروح ..
فتحت كيس الماء ولقتها متبرزه .. والحمدلله طلقتين بس وطلعت بنوتي .. الحمدلله من قبل ومن بعد ..
التنفس يابنات هو اهم شي حتى ع سرير الولادة ووقت الدفع كانت تقول خوذي نفس لا تكتمين
والدعاء ثم الدعاء ثم الدعاء .. وكل شي اسويه اقرأ فيه الفاتحه ٧ مرات والزلزله ٧ مرات
عارفه الاكشن طويل .. بس حبيت اكتب بالتفاصيل .. لاني احبها ..
العقبى للبقية يارب ولادة اسهل واسهل وفرج عاجل يارب للكروشات المتبقيات