علموني للكلام الحلو
قبل كم يوم كتبت موضوع عن مشكلتي مع زوجي وصارحته اليوم قلت ليش انا وياك حياتنا كذا جافه قالي انا بكون صريح معك انتي جدا جافه معي ولاتهتمين فيني ولاتقولين كلام حلو وجافه حتى وقت العلاقه اعذروني ع الكلمه بس يقول كأني عايش مع اخت مو زوجه صح جرحني كلامه بس والله صادق انا جااااافه جدا ودايما اشتغل بالبيت ومع عيالي واتعب وانا ماني كبيره عمري بالعشرين 💔 وقليل اجلس معه واسولف عليه صح اخدمه واسوي كل شي بس مابيننا تواصل قوي المهم انه مرات يسافر عمل يومين كذا ويرجع ماكلمه ولا اسأله عن احواله ودايما يقولي مافيه زوجه تسوي كذا يعني جافه صدق واعترف .. ماعرف تكفون بنات والله ماعندي خوات تربيت بين عيال واحس اسلوبي مثلهم يعني جاااافه مره معه وقليل جدا تواصلنا مع بعض لا داخل البيت ولا بالخارج وكلام حلو صفررررر تكفون كيف ابدأ صفحه جديده معه
