بعض الردود تنرفز

مساء الخير
صراحه بعض الردود من جد ترفع ضغط يعني تجين تكتبين موضوع مضايقك بتفضفضين او تبين خل تتفاجئ بردود ترفع الضغط وتتمنى انها ما كتبت شي زي يوم كتبت اني اتضايق من عيال حمولتي أعمارهم ١٢ و ١٠ ويدخلون عند الحريم انا اتضايق ما اقول لازم يتغطون عنهم الحريم بس لازم يتعلمون المرجله مو يدخل عندي ويبقق عيونه خصوصا هذا الجيل بسم الله عليهم يفهمون لقيت هجوم من العضوات حرام صغار ومدري ايش، ووحده كتبت البسي جلابيات وساع وغطي شعرك بشيله ولا تحطين مكياج هو ليش، البس كذا واكتم نفسي واحرم نفسي لبس حلو كني عجوز عشان حظرتهم أيضا وحده كتبت موضوع هي حامل بتاسع وشاكه ان زوجها سكران ردت عليها وحده قالت شكل هرمون الحمل مأثر عليك أيضا يوم كتبت اني شايله هم استقبال النفاس ردت علي وحده وشكلها تستهبل قالت طز في الناس انا البس لبس مرقع وبطانيه غير وشراريب مختلفه واغطي شعري بشال غير يعني كلي مرقعه الخلاصه اني اشك ان الي يرد ها الردود رجال مو حرمه بس داخل غشان يستفز

12 تعليق 1,560 مشاهدة

شاركي في النقاش

سجلي الدخول لإضافة تعليق.

التعليقات

12
  1. @roro22_2

    الله يعين على بعض الردود اللي تجيب الهم والله يالوحدة ترد بأسلوب حلو او تكرمنا بسكوتها بعد انتي معك حق اللي اعمارهم ١٢ من المفترض يجلسون مع الرجال مو يجلسون عند الحريم
  2. @ktaa_skr_21

    خذي الردود اللي تنفعك وتفيدك والباقي خليها مالك الا هالحل مابتقدر نتحكم في ردود العالم 🤷‍♀️🤷‍♀️
  3. خلك مثلي الردود الله تناسبني ومحترمه نفسها وترد بضمير اعلق عليها واخذ منها واللي ماتحترم نفسها وتحاول تستفز او تقلب الموضوع اطنشها ولا اعطيها ولا ثانيه من وقتي

تابعي تجارب أخرى من هذا القسم.