عزيزتى .. الكل يتوقع الحل سحرى وسهل لكن اللى واقع فى المشكله يكون الله فى عونه .. وانتى الله يكون فى عونك .. ادعى له الله يصلحه .. انتى اشغلى وقتك بأشياء اخرى .. يمكن طول الوقت مقابلته والرجال يطفشون بعض الاحيان من الجلوس لما نقولهم انت ليه ماتجلس ليه ماتسولف ..
انتى الحمدلله مسويه واجباتك وسويتى اللى عليك .. ومنتى مقصره بإذن الله .. المهم حاولى قدر الامكان تنومين اولادك مبكر .. واتركى باقى الوقت لك انتى .. طالعى فيه برنامج يعجبك .. تكلمى مع صديقات .. تعرفى على جيرانك .. واذا عندك شهاده ابحثى عن وظيفه تشغل وقتك وتتعرفين فيها على صديقات جدد .. بما انك غريبه فى المنطقه .. حتى لو زوجك متدين ابحثى عن وظيفه متناسبه مع تفكيره .. المهم اشغلى وقت الفراغ اللى عندك .. لان زوجك جلوسه قليل فى البيت .. وانتى اذا عندك وقت طويل فاضى راح يبدا مخك يشتغل وتفكرين ويبدا مدخل للشيطان يوسوس لك بالتفكير السلبى .. لذلك خطوه أولى تعرفين انك قايمه بواجباتك واابقى على دلعك و اهتمامك بنفسك .. لا تقصرين ولا تزيدين .. وفى شىء ثانى .. انتى محتاجه بيتك وزوجك منتى باغيه ترجعين لأهلك .. لذلك اجلسى فى البيت ولاتفكرين تطلبين الطلاق او غيره من الامور .. انتى انشاء الله امرأه صالحه وعندك اولاد تحسنين تربيتهم وانشاءالله اجرك على رب العالمين .. لذلك لاتحزنى .. وقومى الليل بالثلث الاخير واكثرى من الدعاء لان الله سبحانه يسمع حديثك .. واقترحى على زوجك تخرجين معه انتى معه فقط من غير الاولاد حتى يتوفر الهدوء .. وصدقينى كثير من الرجال ياخذون من الدين قشوره .. بمعنى ماهو كل من طول لحيته وقصر ثوبه وراح يصلى خلاص بيكون ملاك .. فى ناس مقصره فى حق اهلها وبيتها .. يعنى لا تتضايقين لان فيه الكثير مثل زوجك واكثر بعد .. تذكرى صفاته انه ما يرفع يده ولاصوته عالى .. هذى ميزات تحسب بصالحه .. لذلك حاولى تبحثين عن ايجابياته وتكبرينها .. مافى وحده تزوجت رجل كامل .. كل انسان ناقص ماهو كامل الا وجهه سبحانه .. وتشوفين هالزوجات مو مقصرين وتتزوج شخص وتطلب الستر .. وتعدل السلوكيات اللى تقدر عليها او انها تتأقلم معه ..
انتى الحمدلله حقك الشرعى يوصلك .. حاولى تستغلين هالوقت معه .. وقت الليل .. وحاولى تتقربين له اكثر .. واذا شافك تهلين وترحبين فيه راح يفرح .. يعنى تحملى وتذكرى امهاتنا اللى صبروا ..
اهم شى ابحثى عن هوايه او عمل يشغل وقتك وتعرفى على جيرانك .. بس اهم شى لا تطيعينه وتطلعين من بيتج .. ولاتنسين الدعاء للزوج بالهدايه .. واذا قال لك روحى بيت اهلك .. قولى اهلى مشغولين .. وطلعى له اعذار .. المهم لا تروحين بيت اهلك الا بالاسبوعين او بالاسبوع مره للزياره الاسبوعيه وصلة الرحم بهم .. ولا تباتين عندهم بمعنى زوريهم واستانسى معهم .. وبالليل نامى فى بيتك بيت زوجك .. واسأل الله لك التوفيق بإذنه تعالى ..
زوجي مايبيني
متابعة النقاش، صفحة 7