يسعد مساكم
شخباركم عساكم بخير
ودي نجمع طبخات سهله او سريعه خاصه للمبتدئات في الطبخ مثلي
ادري النت مليان وياكثر الوصفات لكن ودي بشي مجرب ، عاد ما شاء الله اكيد هنا نخبه
مثلا طريقة كبسه سهله بصدور دجاج فقط ، دجاج صيني ، ممكن تفيدينا ببهارات مشكلة مجربة حلوه للطبخات او مفرزنات مثل ستربس دجاج ومن هالامور
كل وحده تكتبلنا وصفة
ببدأ انا بطبختي المتواضعه جدا
بنك باستا ( على الطاوه زيت بصل وثوم احمرهم شوي ثم اضيف صلصة وبعدها كريمة الطبخ ثم اضيف فلفل اسود وملح واخليها تتسبك اخيرا اضيف عليها المكرونه المسلوقة ) ولا اسهل ههههههه
ياليت الموضوع ما ينقل لان القسم هنا ما شاء الله متفاعل
شاركي في النقاش
سجلي الدخول لإضافة تعليق.
التعليقات
89- عندي طبخه لذيذه وهذي الأكله تنفع الأطفال على العشاء أو خلال الجوع بالنهار الطويل بالصيف
أسلقي المكرونه ثم صفيها وحطيها قدر نار هاديه وكبي عليها هذي الصلصه المنكهه
طريقة أعداد الصلصه : في الخلاط كزبره مقطوفه مع مكعب ماجي وحبيتيت فلفل حار وكأس كبير كريمة خفق المراعي وملعقتين جبن كرافت كريم
وأخلطيها بالخلاط لما تنطحن وصبيها على المكرونه وحركي المكرونه على نار هاديه ثلث ساعه ثم تتقدم
أنا أسويها لعيالي على العشاء مع بطاطا مهروسه وستيك
بالعافيه🌷 - بيتزا بخبز التورتيلا اسويها بالقلاية وممكن بالفرن لكن القلايه اسهل واسرع
طريقتها
خبزة تورتيلا ادهنها بجبن ثم احط خبزه ثانيه واحط الحشوه كامله و ادخلها القلايه ماتاخذ معي ١٠ دقائق
وبنفس الطريقه اسوي عش البلبل - خبز التوست تطلعين منه أفكار لاتنتهي من الطبخات.
- وصينية خبز التورتيلا محلله الخبز 😁 يفك ازمه
تحشين الخبز بالحشوة اللي تبين وتصفينه بصينيه وتصبين عليه بالشاميل وترشين عليه جبن مبشور
مواضيع مشابهة
تابعي تجارب أخرى من هذا القسم.