زوجي مرهق و ومستنزف عاطفيا وقربت انفجر

حصل خير
ممكن يكون نادم على الكلام اللي قاله لك بس مارح يوضح لك شيء طبعاً
بيني له انك نسيتي وش قال أمس اذا حاول يفتح الموضوع ثاني
عشان مايبني تصرفاته المستقبلية معك من خلال محادثته أمس وفضفضته لك بكلام فارغ .

الحمدلله اليوم راضاني بدون مايجيب سيره للكلام وكنه ماحصل.. سولفنا و تكلمنا عادي صح بدون عواطف زايده وتلطف (كانت عاده بس شكلها بتتوقف كثره المشاعر مالها سنع) .. اعتقد اثنينا نبي نروق خلاص.

الحمدلله احاول اشوف الموقف من ناحيه ايجابيه اني معد اضغط على نفسي وكني امشي على قشور بيض… احس ان الموقف بسوءه نوعا ما خلصني من قلق معين… قلق اني عارفه انه نفسيه ويحللني وينتقدني ويحبني ويكرهني براسه الف مره باليوم. طلع الكلام كله برا. يعنني الاسوء حصل وقال كلام مقرف وغبي بمعنى الكلمه زي انه قالي انه كان ممكن يختار طليقته كخيار ثاني بعدي لو انعاد الزمن يعني اننا متقاربات وكان بخبرته الحاليه بالحياه والزواج هههههههه … و زي يوم قالي ان طليقته كانت وفيه له وانا لا هههههههههههههه ملاحظه طليقته مايسميها الا ابليس لانها حارمته من بنته وياما دعى عليها و يبغى يرفع عليها قضيه…. والله زي ما احكيلكم بدون اي مبالغه.

بس الحمدلله والله اني ممتنه للموقف صحاني على نفسي. لا هو ولاغيره يستاهل اغير نفسي عشانه او اني اداريه اكثر من نفسي… او حتى اكون متشيكه ٢٤ ساعه لوجهه. الاهتمام بالمعقول وانا رقم ١ وبعدها بكثير يجي هو.

الحمدلله على كل امورنا

هو ما يستاهل الطيبه يبي وحده توريه نجوم الظهر لا يقعد يتدلع عليك المفروض انتي اللي تدلعين عليه خصوصا انه مطلق وعنده عيال المفروض عارف ها الشي
وبنته مالك شغل فيها قولي انا تزوجتك ما تزوجت بنتك ولا عاد تجيب سيرتها
ومصروفك خوذيه من عيونه اجل تطبخين وتنظفين وتقابلينه ببلاش وهو حتئ ما يبين فيه
شخصيتك لا تلغيها علشان عيونه

الله يسخر لك زوجك ي صاحبة الموضوع..
..التعليقات مرره استفدت منها الله يجزاكم خير ويسعدكم بنات🌹💗 ... شدني تعليق كم وحده من الإخوات قالو أن الرجل م يرتاح ويتطمن للزوجه القويه والناجحه سبحان الله ☹️... كأنه يغار منها ويخاف.. وبينهم وبين نفسهم يكرهون الضعيفه والمسكينه.. ان شاء الله راح أطرح موضوع ونتناقش فيه ..عن هالشي

يا عمري رحمت زوجك
مررره حساس ولاعبه فيه الدنيا جاته صدمات لين قال بس
ايه حس انك تضايقتي من بنته
وهو زعل لانه اساسا مجروح مو ناقص
لازم تكوني لطيفه جدا معه
تراه اب رائع وحنون ولكن الضروف ابعدته عن بنته
زوجك يبيله احتواء وحب ودعم المفروض تدعمينه وتشاركينه كل شيء
حتى بنته حبيها من محبتك له
وانتي كلك حب ورضا
الحين تكلمي معه عادي ولا كأن فيه شيء صاير واجلسي معه عادي
لا تتركينه