شاركي في النقاش

سجلي الدخول لإضافة تعليق.

التعليقات

1,007

  1. @rshyk_algmyl

    سبحان الله شوفو المكتوب
    كانت تقول كلكم دخلتم الثامن


    بتولدون وانا اخر وحدة
    ربي سبحااانه كاتب تولد اول وحدة


    وكثير كثير ولدو اول السابع وهالحين ماشا الله رجال وحريم

  3. @ryma_mshaal_1

    مي ١٥
    ههههههه اظني نص القروب انصدم الحينه
    لاتنصدمون ولا شي وكل جنين في رحم امه
    له يوم مكتوب يجي فيه
    والحمدلله على نعم ربي
    الوحده ماتدري وين الخيره فيه
    لعل الولاده بالسابع او الثامن خيره لنا نجهلها

    اهم شي خلصوا اغراضكم عشان تقضون باقي فترة الحمل
    وانتم مرتاحين ومستعدين
    ولاتنسون شعبان يطير بسرعه وبعده رمضان
    صيام وعباده ماندري الا شوال جا

  4. @ryma_mshaal_1

    سنة غريبة
    ياربيه بسسسس حنا خلقة على ادناة الدون ننخرش 🥵🥲احس عم الصمت..يارب تختار الخيرة علينا كلنا
    😂😂😂
    لاتخرشين ولا شي
    وان شاء الله تدخل ام وهابي وتطمنا عليها

    خلصي امورك سنسونه تجلسين مرتاحه
    انا يوم خلصت اغراضي وقفلت شنطي
    صرت مرتاحه الحمدلله ومستعده للولاده بأي وقت 😉

  5. @am_alshykhkh

    الله يسلمكم جميييييع
    اول شي سبب الدم اللي ينزل وياي طول الاسبوع اللي فات
    المشيمه منفصله وماخذه وضع انها طبيعيه ومابين هالشي الا بالولاده


    اكشني وولادتي اسال الله رب العرش العظيم يرزقكم مثل ولادتي ي بنات الحمدلله حمداً تستديم به النعم


    امس بعد ماطلعوني من ملاحظه الولاده ودخلوني الجناح كنت اوكي بعدها بنص ساعه بدا ظهري عوار الدوره اللي يروح ويرد
    من الساعه 1 الفجر بدا الطلق الصجي اللي مايخليني اقعد ي بنات اروح وارد ع الحمام وماقدر اقعد نهائي ولا انام ع جمبي اليمين ولا ع ظهري ولا يساري ماقدر ماقدر
    وادق ع السسترات يقولون من نومتج نامي عدل واتحمل من 1 ل 6
    والساعه ست اشوف الطلق منتظم كل دقيقتين استغربت وشكيت بنفسي دخلت قوقل اشوف عن الطلق الكاذب طلع ان طلق حقيقي اذا منتظم ويستمر 30 ثانيه ل دقيقه
    وفعلاً
    وانادي السستر تعالي وتجي تركض وتجيب التخطيط قالت ولاده
    وتجيني الدكتوره فحصت قالت 4 سانتي مفتوح ولاده بسرعه
    دخلت الولاده 7 الصبح وانا فوق مفتوح 4 سانتي دخلت الولاده مفتوح 10 سانتي واقل من 20 دقيقه ولدت الحمدلله وبدون بنج وبدون ابرة ظهر صج عوار بس بعد ماطلع من بطني ي بنات احس ذابت نفسي ونمت نص ساعه كانها عشرين ساعه والله وبدون خياط لان البيبي ماشق وتقول طلع على 10 سانتي لان صغير
    وزنه 770 قرام قالوا البيبي من الخدج و بعد 24 ساعه نشوف عن وضعه مانقدر نقول شي عن صحته من 24 ساعه ل 3 ايام يارب الله يفرحني بسلامة وليدي يارب ويطمن قلبي عليه ياررررب شفته يوم طلعوه من بطني كان صغير حييييل ي بنات
    الحمدلله على كل حال واسال الله العظيم ان يجبر بقلبي وخاطري ويفرحني ب وليدي يارب واهو بخير

تابعي تجارب أخرى من هذا القسم.