هل ردي مسيئ

بنات اي وحده ما تعجبكم ردودها لا تدخلوا مواضيعها افضل
انارأيي ان العضوه لما تبالغ مثلا او تصطنع شخصيه افتراضيه يمكن هي حابه تكون نفس هذه الشخصيه وتبغى تطور من نفسها بالواقع بالذات ريم للأمانه احسها مسالمه يعني ما اشوفها ترد بقلة ذوق المصيبه لما تجي وحده تكذب وتهايط ولسانها طويل هذه ودك انك من جد تسكتينها وتستلمينها
ترى الكلام حتى لو من خلف الشاشه وحتى لو ما تعرفوا بعض يجرح ويحرق القلب 💔
اللي ما تعجبكم طنشوها .. مافيه اسهل من انك تعدين مواضيعها وردودها

ايش استفدي يافوفا بالله عليك بردت على قلبك كذا
فتحت الباب لسبها وشتمها واخذت الاثم بتنزيلك للموضوع
الله الوحيد العالم بضروف الناس حتى لو كذبت الله حسبيها
اشوف انها مسالمة حتى لو احد سبها مايرد


بس ايش فائدة الهجوم قصدكم تنصحوها وتتمنوا لها الاحسن
او تنفسوا على نفسكم
قسم بالله حزنت عليها
والله شهيد اتي بري من سبكم وشتم
رديت لان قرات الموضوع وانسدت هذا واحنا مقبلين على رمضان


اخاف ظلمتوها

اتفق

السلام عليكمورحمة الله وبركاته
صراحه انا من زمان ماكتبت مواضيع ولا علقت بس متابعه بصمت
للي اشوفه بالمنتدى من اشياء تقهر اعجز اني اوضحها
لكن اليوم انفتحت نفسي للكتابه لاني شفت ردود لام يزيد
الله يذكرها بالخير ملح المنتدى
وفي الجنه القاك وروعه وام جلوي ونهار وزهرة بنان والاستقراطيه وغيرهم من البنات
بس انا لي مداخله في الموضوع اللي كاتبته الاخت فوفا مع اني احب مواضيعها وكتاباتها
الا اني اتعجب من فتحها لموضوع كامل للتنمر على انسانه مسالمه دائما تسعى ان تكون مواضيعها ذات فائده وثقافيه وتربويه
حتى لو اخفقت في حلمها او ماوصلت للمطلوب
بس احسبها والله حسيبها تنوي الخير
هل هجومكم عليها لمحاربة الكذب ؟
ولا لمحاربةً الطبقه اللي هي منها
لان لو جينا للأشياء المستفزه في المنتدى اللي انا تركت الكتابه بسببها هي الالفاظ البذيئه والاتهامات والتكذيب
وتتهمونها بالدنب؟
طيب بنظركم من اللي ذنبه اكثر هو التنمر على مسلمه مسالمه في حالها
او الكذب في وضعها الاجتماعي بناء على زعمكم وحنا بريئين من زعمكم هذا
اتقوا الله في انفسكم كل مسؤول عن كل حرف يكتب
مايلفظ من قول الا لديه رقيب عتيد
ولو حذفت بعض الردود وتجاهلتها ما راح يكون ذنبها اكبر من اللي تهجموا وتنمروا عليها
انا اقول كلامي هذا وانا مابيني وبينها اي علاقه ولكن كلمة حق
عن أم الدرداء عن أبي الدرداء عن النبي ﷺ قال: من رد عن عرض أخيه المسلم كان حقًّا على الله جل وعلا أن يرد عنه نار جهنم يوم القيامة
ولا تتساهلون في الموضوع وتخلونه طقطقه لان تقول مابيح ولا احلل الى يوم القيامه
الكلمه هذي بحد ذاتها ارعبتني
الله يصلح حال الجميع