التجمع -١٥- لحوامل مواليد يوليو ٧ ، اغسطس ٨ | ٢٠٢٢

الحركه من زمان حاسه فيها الحمدلله، بس لاحظت ماتتحرك الا الليل لها وقت خاص 🤔

يارا - سحاب - ريما > محتاره بينهم🥺

تسلمين ام عزوز الله يسعدك ع التجمع
ودي نشارك بعض طلبياتنا خصوصاً الملابس مره حايسه احس ماعرف شي 💔

السلام عليكم ورحمة الله وبركاته
مبروك التجمع تسلم يدينك أم عزوز
امس نظفت بيتي وغسلت الحوش بعد الغبار
ومسكني وجع بظهري مع حراره
ومغص مثل مغص الدوره عزكم الله للحين احس فيه
امس تعشيت شاورما ما ارتحت لين رجعتها
صارت ترقى وتنزل بالمريء لين دخلت ايدي ورجعت وارتحت 😔
لاعب فيني الحرقان لعب ما يفيد معي اي علاج غير نكسيوم
ورافضه دكتورتي تصرفه لي لين ادخل الخامس
واحس اني ثقيله بقومتي وجلستي واذا جيت انزل من السرير
مع اني ما سمنت ولا طلع بطني بس احس بثقل غريب
اليوم دخلت الاسبوع ١٧ وموعدي التفصيلي بعد عشرين يوم
وان شاء الله يطمنوني عليه ويعلموني نوعه
بنات اللي تعاني من اكتئاب ونفسيه سيئه وصياح
هذا شي طبيعي انا يجيني بكل حملاتي ومع تقدم الحمل
يبدا يخف شوي شوي
هرمونات تضرب وعيال وبيت ورجال يقهرون
طبيعي كثر الضغط يولد الانفجار
طلبت اغراض العيد لي ولعيالي كل شي اونلاين لاني ما اطلع
للاسواق نهائي برمضان حتى الزيارات اقطعها اروح لامي بس
وطلبت لبس صيفي وبجايم للبيت يعبرنا هالشهرين لين بعد رمضان ان شاء الله اطلع واقضي للنونو ولنا كلنا
وبالنسبه لرمضان الله يبلغنا اياه وكلنا بأحسن حال
ابدا من ٢٠ شعبان
يوم سمبوسه دجاج لي ولعيالي
ويوم سمبوسه لحم لزوجي
ويوم سبرينغ رول ومسخن
ويوم احشي جبن سويتز صغار وبف باستري واجهز كنافه اقطعها واوزعها بأكياس
ويوم للكشنات كشنة البيتزا والايدامات واقلي بصل للكبسه والمسخن
ويوم اجيب دجاج عدل وفيليه واللحم واقطعه واوزعه على حسب احتياجنا واللحم افرم جزء منه للمصقعه والمكرونه وشي اقطعه هبر للشوربه وللملوخيه
رمضان شهر واحد تحسفين يروح كله بالمطبخ او طلعات او اسواق
الله يتمم علي وعليكن ويرزقنا الساعه السهله الميسره

ماشاءالله عالتجمع الجديد وعسى فيه الخير يارب

بسألكم فيه احد هنا من الشرقيه الخبر الدمام ؟