عصبيته

السلام عليكم
اكتبكم ونا النار جوتي واتمنى تساعدوني بنصايحكم كلكم فيكم الخير والبركة
المهم ، انا وزوجي بينا خلافات واختلافات شي طبيعي لكن الي مو طبيعي انه كل يوم زوجي انسان كبريت بارود عصبي لابعد حد بسرعة يعصب لو الموضوع سخيف وتافه من كل شي يزعل يعني الاطفال مو كده الشي البسيط الي الواحد يعديه هو يوقف عنده ودايم ينتقدني ، كلامه جارح طول طول الوقت ماصرت اعرف ايش اقول عشان لا يعصب وينكد جو البيت ويعايرني انه صرف او اشترى شي للبيت!!
خانقدني والله ما ارتاح معه عايشه عنده عشان وضع اهلي صعب وماعندي وظيفه ، حمل جبت منه بنت وخايفه ورافضه موضوع الخلفه حاليا لان حياتي معه ما تطمن مين تتحمل انسان طول الوقت يصرخ ويهاوش عالتافهه قبل الصغيرة ؟! جربت معه المسايسه السكوت التطنيش العصبية ماتتغير يدقق في شغل البيت كل يوم حاولت معه اجيب شغاله بالساعه رافض يقول وانتي ايش عندك؟
انا ماعندي شي لكن شغل ٢٤/٢٤ صعب وهوا يبغا يشوفني اكرف ليل مع نهار اذا انا مارحمت نفسي وقدرتها هو ما راح يرحمني يقول ما ادفع لشغاله قلتله مرتين في الشهر رافض.
متحمله وساكته واذا هدي اتفاهم معه بهدوء اقوله ما يصير تصرخ كذاا علي يرجع العن من قبل اذا عصب بالاختصار تعبت💔 باين متعمد يصرخ انا ما اسوي شي غلط عارفه نفسي احاول ما اقصر لو انا غلطانه اقولكم استاهل وحتى اذا غلطانه يصرخ كل يوم في الشارع احنا؟