مرحبا بنات كيفكم انا مشكلتي اعصب واندم
تخيلو اليوم طلعت مع قريباتي واقول لاختي
امشي معنا غيري جو استانسي تقولي لا مابي
قلت براحتك
اول مارجعت
تجلس تنشب فيني وش سولفتو وش قالو وش قالت فلانه
وش سولفت انا بحده قلت لها سواليف عاديه
يعني وش بقولون نفس دايم سوالف قالت وش بك طيب
قلت مادري عنك يعني وش بيقولون معروفه سوالف
فلانه وشي عن الدوام والظالبات ونومها اجلس اسجل لك
بكل ماطلعت؟
ونفس الحركه
دايم كذا تسويها اختي
بنات عمي
بنات عمتي
جيراننا
بنات خوالي
يعزموننا ولا تروح هي
فجاه اول مادخل تحسبني مسجل تجلس تنشب لي
احيانا امالي خلق اتذكر وش سولفنا اجلس اقولها
واحيانا صدق صدق مافي سوالف
يعني اشياظ عاديه مثلا نسولف عن مولات
مسلسلات اشياء كذا يعني
واقولها مافي سوالف عادي زي كل مره
قالت اربع ساعات اجل وش تسون!!
هي نظامها ماتطلع بس اول مارجع
تنشب لي
وش سولفتو وش سويتو وش قلتو
اليوم بدون شعور بعصبيه ونزر
وزجر رديت عليها
قلت وش سولفنا يعني نفس دايم
قالت وش بك طيب
قلت مدري عنك يعني معروفه سواليف فلانه وشي
وهي فهمت واسكتت
لكن ماتتوب
كم مره
اقولها تدورين السوالف اطلعي
ولا تطلع ولا تصدق اذا قلت ماسولفنا او عادي
تقول وش تسون اجل من اليوم
شاركي في النقاش
سجلي الدخول لإضافة تعليق.
التعليقات
11المشاركة المقتبسة غير متاحة.
هي كذا نقولها واحاول فيها ترفض
بحجه مالي خلق
تتعبجز مالها مزاج
وتجلس تطلع اعذار
ولا عمري ضغطت عليها لما تقول مابي اطلع
لكن تشغلني اول مارجع- غريبه صراحه...
ممكن لانها ماطلعت.. تبغاك تسولفين معاها..
وانتي تعبانه ومالك خلق 😄 - حياتي عليها ارفقي عليها مرات صحيح يطلعون الواحد من طوره من كثر الاسئله بس احس الوضع طبيعي تصير بين كل الاخوات هالمناقشات والحركشات 😅
اهم شي لا تجرحينها وتنافخين عليها ☹️ - عادي علميها السوالف وصوري لها مثلا قهوتكم وكذا وارسليها لها ع الواتس عشان تتحمس تروح معكم المره اللي بعدها عادي علميها السوالف احس مايمديك تكونين نسيتيها اول ماترجعين
- ياعمري هي 😔تحزن
شكلها تحب السوالف بس انطوائية او تستحي او تعاني من رهاب اجتماعي
انتي بالنسبه لها المرايا اللي تعكس لها العالم الخارجي
رفقاً بأختك
مواضيع مشابهة
تابعي تجارب أخرى من هذا القسم.