دخول مهم وسريييييييييييع .. كلينك .. ديور .. لانكوم .. والبشرة

السلام عليكم ورحمة الله

كيفكم بنات

قلت بدال اللف والدوران مالي الا اسأل بنات حواء .. الغالبية عنهم فكرة بإذن الله

بس يااااااااااااريت نلقى تفاعل

أنا جتني خبيرة تجميل في المنزل .. ووصفت لي نوع بشرتي ووماتحتاج وماهي العيوب الموجودة مع أنو ولله الحمد مافيها عيوب كبيرة ..

المهم .. طبعا هي مندوبة ..ولازم تمدح وتخلي منتجها سما ...

المهم عجبتني المنتجات .. ووصفت لي ..

جل غسول ..اولا

ثم ثانيا يستخدم مع القطنة

تونيك .. ثم

كريم بالحليب ..

بعدين الكريم المغذي ..

وكريم لحماية حول العين ..

ومجدد لخلايا البشرة ..

ولمن جينا نحسب القيمة .. طبعا أنا مافكرت اني آخذ لأن القيمة مسبقا مرتفعة بس حبيت أستفيد من خبرتها ..

المهم

المجموعة السابقة طلعت علي بحدود ..

ثلاثة آلاف وثمنمية ريال سعودي

شفتو الصدمة ؟؟

وهذا كلو ليش ؟

قلت لها .. الكمية .. تكفي كم

قالت بعضها سته شهور وبعضها سنه

قلت يالله مو مشكلة اللي في راسه يدفع يدفع

بس غالية .. والماركة هذي دعاية لشركة ألمانية مدري سويسرية ..

المهم

أنا فكرت وقلت

يمدحون كريمات ديور وكلنك ويقولون طبية

فركبت السيارة (شفتو كيف ) ورحت عند باريس غاليري

ووقفت عند كل ماركة ..

وطلع عندهم نفس خط تجميل هالشركة اللي جتني البيت

يعني جل وتونيك وكريم حليب ومغذي وكريم عيون

وكلو بالكثير ب 600 ريال سعر حلو نوعا ما

فياريت البنات اللي عندهم خبرة عن كريمات العناية بالبشرة بهالماركات

ولا ماركات طبية ثانية

يعطونا خبر

تكفون بنات أبي تفاعلكم

وش رايكم

الواحد لازم يعتني ببشرته من الحين

ولا ؟؟

والله يوم استخدمت التونيك ومسحت بقطنه

يهو طلع على وجهي بلاااااااااااااوي مع أني كنت نظفته بجل غسول في الحمام بس والله كأني ماغسلته شهر

بالذات الرقبة مو كل يوم نغسلها صح ولا لا بنات

وهذا فعلا اللي يخلي بشراتنا تتراكم عليها البلاوي وتجيها الشيخوخة المبكرة

طبعا فيه أشياء زي هذي بالصيدليات وأسعارها محدودة بس يقولون تجارية وأكثرها فيه مواد كيميائية

فيابناااااااااااااااااااات من خبيرات ولا متخصصات في هالمجال

أبي رااااااااااااااااااااااااااااايكم

والله يوفق كل من تفيدنا وتشارك يارب

أختكم
ترنومه