اختي محتاره في هذا الزواج

امين يارب

ايوا هو الرجال اوكي.. بس هي محتاره على شان المشاكل من زوجته الاولى وحياته ماتدري كيف بيكون مو علشان عمرها ..

امين يارب

من رأيي تصلي استخارة وتفكر ألف مرة ومرة ... ولا تستعجل وإذا كان تخوفها من العمر فقط إللي يخليها تتزوج أي زواجة والسلام لأن عمرها أصغر من أنه يجبرها تخلي نفسها ضرة!...

وعن نفسي لو مكانها وبهالعمر برفض لأنه ممكن تجيها فرصة أفضل مع شاب أعزب مثلها وتعيش معه أحلى أيام عمرها بلا نصف حياة ولا مقارنات ولا تنافس ولا سباقات جري حرة!😂❤🌹 ...ولازم تعرف إن عيشة الضراير مُرة مُرة مُرة وما منها إلا تعب ومضرة... وما تدخلها إلا وحدة مجبرة وما عندها خيارات مناسبة كثيرة!... 

لكن أختك بعدها صغيرة وعاد إذا ما في سبب لزواجه على زوجته الأولى بتكون زوجته ناقمة جداً على زواجه الظالم هذا عليها وقد تخلي الزواجة هذي غير مستقرة !...

والله يوفقك ويوفقها لما فيه الخيرة ...❤🌹

هذا الزواج كارثي لها نفسياً ماراح تكون سعيده ابداً هوا بنفسه ماراح يحسسها انها اول حب واول تجربه
حرام ياخذ اثنين ابكار حرام فيه هذا المفروض يتقدم لمطلقه بدون عيال وارمله
مو بنت بكر!!!
توافق بس على حسب قدرته الماليه ؟ يقدر يفتح بيت ويقدر يعطيها مصروف شهري ؟؟
ولا بيقول زيك زي الاولى ما اعطيها ليش اعطيك؟؟
اشرطوا شروطها في العقد وبكل قوه
لايحسبكم بايعين بنتكم والله ليذلها اكثر واكثر وترجع مطلقه مصيبتها مصيبتين وقتها
المهر خلوه مقبول بس حطوا كذلك مؤخر لايقل عن ٥٠ ألف
وشقه بعيده عن الاولى الي شغلها الشاغل كيف تخليها تتطلق وتشرط عدم الاحتكاك فيها
ياخوفي انه يستمتع فيها كم شهر ويطلق 😶