طمنوني على وضع طفلي الله يطمن قلوبكم

بنات ياليت الي عندها خبره تفيديني انا جبت له العاب مكعبات يعرف يركبها ويسوي اشكال وجبت له فواكه ويعرف يقطعها وجبت له اللعبه الي فيها فتحات مختلفه وكل فتحه يحط فيها اللعبه المخصصه يسويها ماشاءالله لكن محيرني بالكلام

اذا انتِ من الغربيه قوليلي ادلك على افضل مكان تعملي فيه الاختبارات..الخاص مااقدر ارد منه علشان مشاركاتي قليله

اذا جلوسه ع التلفزيون او الجوال بكثره قللي منها وتخاطبي معه زيه زي اي واحد كبير لا تكسرين بكلامك ابداً لان ذا الحركه غلط.
و زي ماقلت لك سولفي معه و خلي كلامك ونطقك واضح يشويش عشان يتعلم منك وراح تلاحظينه يناظر بفمك عشان بتعلم.
وعلميه اسم اي شي ياخذه او يناظر فيه بأستمرار عشان يحفظ يعني كأنه طالب وانتي معلمه بأختصار. اقري له قصص او قرأن وخليه قدامك ترا هالسن اذكياء ويحفظون اي شيء

ايه من الغربيه لكن ما اقدر اروح لمكان في الوقت الحالي

تمام بطبق كلامك واشوف🥺