فيني غصة في قلبي وادري محد بيحس فيني من البشر مثلكم
حمدلله على كل حال اليوم سادس يوم ترجيع وحللت منزلي بأكثر من جهاز وطلع سلبي والحمدلله على كل حال.. لان المرات اللي كان يصير فيها حمل واجهض يبين عندي سادس يوم الحمل لكن قدر الله وما شاء فعل.. ما ادري هل العملية فشلت بسبب الكورونا اللي جتني ع طول بعد الترجيع او في سبب ثاني.. جنيني كان ممتاز ومفحوص فحص شامل وكل شي كان تمام لكن ربي عزوجل له حكمه
حزينه وقلبي مكسور.. جسمي كله كدمات وآلام من ابر التثبيت والسيوله ومو قادره اتحمل اكمل عليهم بعد ما حللت.. استغفر الله العظيم احيانا يجيني يأس واقول خلاص انا ليش قاعده احاول ونهاية الطريق إجهاض او فشل.. مشاعري ملخبطه وزوجي للأسف ما يحس فيني ولا عندي من يساندني بعد الله غيركم.. احساس الفشل جدا مؤلم بكل ما تحمله الكلمه من معنى
🌸التجمع216 للحقن المجهري و أطفال الأنابيب 🌸
متابعة النقاش، صفحة 69