حاسه بجفاف عاطفي

حاولت كثير معاه
وكل همه العلاقه
والعلاقة تصير بين فتره وفتره وبعدها كأنه ما يعرفني
ماعنده طلعات ولا أصدقاء 

انا راي من رايها قوليله ترا الزواج مو بس علاقه لازم تشاركني التربيه وتشوف عيالك وتجلس معاهم اقل شي الاكل تاكلون سوا كلكم تجلسون على وجبه مو ياكل لحاله!!

نفس زوجي ومرة نزلت موضوع جتني ناس تفلسف وتستهزا عسى الله يبلاهن من حيث لايحتسبوا.
لكن الحمدلله لاحظت بعد فترة تغير دون اكلمه ولاشيء بس كنت ارقي نفسي ولاحظت فرق كبير سبحان الله.
لاشفتيه جالس لحاله روحي جلسي معاه ع الاقل تشوفي وش يسوي؟ وتعبيرات وجهه وهو ماسك جوال وش يشوف ويسمع تغزلي فيه حتى لو كذب المجلس مو بس للرجال 🤣
خلي اعيالك كل شوي يروحون له يخربوا جوه🙊

ارقي نفسك 
بالقران كل يوم سورة البقره
والصلاة والذكر 
سورة البقره تأثر بأهل البيت كله ويطهر البيت من الشياطين 
اغلب المشاكل الزوجيه تحتاح رقيه ترا يكون سببها تسلط شياطين عليك او عليه 
فخلي بيتك حي بذكر الله والقران 
لا تخلينه مقبره 

ترا غالبا يكون بسبب انعدام التفاهم هو مايعرف وشلون يتكلم معك ووشوا تفكيرهم وانتي ماتعرفين وش فيه والدليل تقولين مايطلع برا ولا عنده شي .
غلط تفكرين بالشين علي طول وتظنين الاسوء حتي لو سمح الله كان يغازل عطي نفسك وقت وفرصه شوفي إذا هو مايزعجه تقعدين عنده جيبي قهوتك وقوليله بيتقهوي شوي هنا بغير المكان وشغلي جوالك عنده وتفرجي علي مقاطع سناب واذا جا مقطع يضحك اضحكي واذا صار مقطع فيه حوادث افتحي معه سالفه قوليله شفت مثلا حرب البلد الفلاني واذا عرفتي انه يهتم بشئ سولفي عنه شفت مثلا مهرجان قاف ماشفت خبر عنه ومثلا واحد بتويتر تكلم عن ان ايام الثمانينات كان في سوق بالعليا مشهور لدرجه انه كان مثل مبني المملكة في وقتنا هذا صاير قديم والناس قعدوا يعلقون يبون يفتحونه ثانيه ويزينونه من جديد عشان يحيون المباني القديمه وذكريات اول .
حاولي تصادقينه لا تناظرينه كزوج ناظريه كواحد من افراد عائلتك تبين تسولفين معه ولاتتوقعين علي طول يتكلم ترا بعض الرجال يخافون المرأة تزعل او تنجرح من شي يقولها او مايبي يسولف كثير الرجال انواع ولاتزعلين إذا أسلوبه وقح او مثلا جاف ترا بعضهم مايعرف يتعامل يحسبه التعامل مثل واحد من اخوياه .

كل يومين كيذا اقعدي حوله عادي لو تقعدين ساكته إذا شفتيه نفسه زينه شغلي مقطع عنده او برنامج او اشتغلي حوله او الغبي مع واحد من عيالك حوله .

شوي شوي مو لازم يصير دائم يسولف ولاتنصدمين إذا حسيتي انه ماله خلق او يصد عنك بعضهم مايحب التغيير فجاه يخاف تخرب جوه او مايتقبل الوضع فعادي انتي اعتبريه خطوات لنفسك ولبيتك واذا انتي تعبتي عادي خوذي استراحه وسائل نفسك ولاتضغطين علي نفسك وحاولي تجدين لك علاقتنا من المعارف او الصديقات تغيرين جو .