كنت اساعدها بس يوم احتجتها

مساء الخير 
امس فيني بكي وقهر قريبتي من قبل اتزوج كانت اذا بغت تروح اي مشوار تجيب أطفالها عندي يا ما راحت زواجات وحطتهم عندي حتى مره سافرت للعمره وتركت ولدها الصغير عندي وكنت انا وامي نهتم فيهم وماكان عندنا شغاله وايضا كنا نقول لها جيبيهم ولا تشيلين هم الآن أنا تزوجت وعيلت ويوم احتجتها تصرفني اذكر يوم كنت حامل نزل مني دم اضطريت اروح لم الطوارى وكانت معي بنتي ام ٣ سنوات واتصل عليها لأنها ساكنه قريب مني اقول لها ممكن تمسكين بنتي بس شوي قالت وين ابوها ليش ما يمسكها ابوها كان مشغول معي وبعدين صعبه اذا بغت الحمام كيف ابوها بيوديها وكذالك ام زوجي ودينا البنت لها وقالت لزوجي ود البنت لم أهل امها المشكله عندهم خادمه وبنات شابات لكن الله لايخوجنا الا له المهم الآن أنا عندي طفل عمره شهر ونص امس كنت مضطره اروح لم موعد فحبت له بيبي ستر الي تجي بساعات قال زوجي ما يصلح تخلين الولد عندها بروحهم حطيه معها عند قريبتك هذه واتصل على ام زوجي وقلت ابحط الولد معه العامله عندكم وتتعذر وأرسل لقىريبتي قلت معليش احط الولد عندكم ومعه العامله هي تغير له وترضعه ما اقدر اخليه معها بروحهم قالت سوري ما اقدر امسكه قلت منت ماسكته معه العامله وتتعذر بطريقه سخيفه جدا انا ما قهرني الا ضعفي وقطت وجهي عليها وعلى غيرها ليش كذا والله امس ابكي انا ما اتمنن يوم قلت كنت امسك أطفالها بس ليش يوم احتجتها تسوي كذا هي ما شاء الله مرتاحه بيت وخدم وعيالها كبار ما عندها اطفال وزوجها دائم طالع انا الي قهرني اني قطيت وجهي 

14 تعليق 2,408 مشاهدة

شاركي في النقاش

سجلي الدخول لإضافة تعليق.

التعليقات

14
  1. @semo

    والله ما الومك اقهر الي ترضى على الناس الي ماترضاه على نفسها 
    ي قلبي دام زوجك ماشاء الله يرضى يجيب لك بيبي ستر الله لايحوجك لاحد  
    واذا اهلك قريب خليهم يساعدونك
  2. @ghryb_dnya

    طيب ليش مااخذتي ولدك  معك  دام معه عامله  او حتى  بدون  عامله  ولدك  صغير ماراح  يأذيك  بلفته   ليش بتنزلينه  عندها  

تابعي تجارب أخرى من هذا القسم.