تشوفون انا صح

خلاص بترك لها كل شي تسويه وانتي تعالي صفقي لها دامها ما شاء الله جايه تخذمنا ليه ما تكلمت بقوم الساعه ١٢ وبسوي كذا مو انصدم اول يوم ولا طبق متروك لي دام انتي تمديحنها تعالي اخذيها ترا تغتاب ونممامه وتقطع ارزاق الناس ولعلمك بعد الي انتي تقولين كثر الله خيره جايبها لنا تخدم ما جت تخدم لا هو يشتغل بمكان بعيد وحظرت جنابها تجي تقضيها قررات ببيت اكلوا كذا سوا كذا ليه عشان اذا جلسنا على سفرة الفطور الكل يصفق لاسامه اطيب المغرور الي يدور المدح من ورا قلايه تشتغل الساعه ١٢ الظهر الله اكبر 
واذا تمدحينها عشانها تقوم ١٢ الظهر قبل ما تتزوج اساسا كانت تصحى اذا بقى ساعه على المغرب والاكل كله مجمد من برا ما عير تطلع وتحمر 
وقومتها الساعه ١٢ لا صلاه ولا لعباده ولا لقراءه قران ما ساكتني ساعتين مكالمه تمدح بنفسها وتسب فيني 
وزوجها الي انتي قاعده تمدحينه الي كثر الله خيره جابها لنا الا الله لا يجزاه خير جابها عله على قلبي 
ولا بس عشاني قلت انها اكبر مني 
اذا انا اقوم الساعه ٣ باقي على الفطور ٣ ساعات ونص 
مو هي دوام مدرسه ١٢ مسنتره تسبق الناس عشان المدح اخذيها تطبخ لك وتنفخ لك حلال عليك 
وتراها اخبث خلق الله لو تدرين ليه تقوم هالوقت وش نيتها ما يتني تطبلين لها 

ايه انا شغاله ورا هي ما تغسل الصحون

الله يعينك والله حاسه بشعورك قسم اللي كذا تنكد عليك حياتك وعيشتك خصوصا اذا كانت ملازمتك بكل مكان مسنتره الواحد يتمنى يكون ماعنده خوات ولا يعيش ذا البهذله

ياحظك حلو خليك نايمه مرتاحه والتعب عليها 😹 واذا قالو سنعه ترا كله كلام مايوكل عيش 
انتي زيني لك اكل صحي قدك وهي تتحمل كامل البيت راح تتعب وتمل وترجع بيتها 
اهم شيء حاولي تتجنبينها هالفتره 

انا كنت كذا زيك قبل اتزوج
كانت اختي تطبخ تطبخ تطبخ كثيييير اكثر من حاجتنا واغلبه ماناكله زايد عن حاجتنا المهم المواعين غييير طبيعيه كثيييره طبعا يبغوني انا اللي اغسل المواعين وهي كانت منفصله عن زوجها المهم اول الايام كنت اتحمل واغسل المواعين بعدين صرت ماعاد اقدر المواعين كثير كثير كثير تتكسسسر يديني ورجليني فصرت والله ما انزل من غرفتي طبعا انا كنت توني بنت وما احس بالجوع مثل اللي تكون متزوجه وجايبه عيال تكون تجوع اما البنت عادي ماتجوع الا جوع خفييف محتمل المهم صرت والله ما انزل من غرفتي زعلت ويفطرون ويخلصون فطور وانا حاطة لي في غرفتي ثلاجه فيها حليب ومويه واعتقد كان عندي تمر ما اتذكر بالضبط المهم كنت افطر على ماء واذا اذن العشاء اروح اصلي العشاء والتراويح اروح اصلي في المسجد وادعي الله يرزقني الزوج الصالح والحمدلله تزوجت وافتكيت من المشاكل 
الله يرزقك الزوج الصالح
واذا جلست تبين انك رفلا ومدري ايش ماعليك منها طنشي ولا تغسلين مواعينها وحوستها خليها تغسلهم هي لا تصيرين خدامه ترا الضعيف في هالزمن الكل يستقوي عليه ... ولا تخافين هالايام كلها بتعدي وبيجيك الفرج من الله وبتعرسين ان شاءالله 
واذا على فطورك افطري تمر ومويه وحليب وانتهينا لا تاكلين من الحار الزم ماعليك صحتك ولا تغسلين مواعينها ازعلي خليهم يحسبون لك حساب .. والله يوفقك وادعي الله يهدي اختك لك ويسخر لك امك واختك قولي ( اللهم ألف بين قلوبنا وأصلح ذات بيننا واهدنا سبل السلام ) وانتبهي لا تتهاوشين مع اختك ولا تناقشين امك فقط ازعلي في غرفتك وهم بيفهمونها وبيترجونك تجين تفطرين معهم وامك بترحمك وبتجبرها تطبخ شي بدون فلفل او حتى لو ماطبخت شي بدون فلفل ماعليك من طبخها سوي لك خبزه فيها جبن او فول سوداني ع السحور والفطور تمر وحليب توك بنت معدتك معدة عصفور ع قولتهم وبسس لا تسمحين لاي احد يستقوي عليك وادعي الله لاختك الله يسخرلها زوجها وعامليها بالتي هي أحسن لان هالايام تأكدي كلها بتكون ذكريات وبتتفرقون الكل بيلتهي بحياته فخليها تعدي على خير ووسعي صدرك اهم شي حافظي على صلاتك وصلي التراويح في المسجد وادعي الله في السجود بكل اللي في خاطرك وحافظي على حجابك وانتي رايحة للمسجد والبسي شراب وغطي وجهك زين ولا تتعطرين الله يستر عليك