ليش يصرون علي ازورهم وهم كذا

صباح الخير
امس اتصلت علي عمتي ام زوجي واصرت اصرار اني اجي افطر معهم انا قلت معليش يا عمه والله ما اقدر ولدي بس يصيح ولويه خليها اجي بعد التراويح أطفالي يحرجوني عند الفطور الي يصيح والي يبهذل  قالت لا تعالي تفطري غصب يعني أصرت اصرار قوي وسويت طبق ورحت المهم رحت وافطرت معهم وبناتها في المطبخ وعمتي تجرجرهم وتناديهم يفطرون وهم بالكاد يجون وحده جلست اكلت على السريع وراحت لغرفتها ولحقوها خواتها واحده تلو الأخرى طبعا جلسو معنا خمس دقايق بدون اي كلام ولا سوالف فقط سلام وعليكم السلام بعدها قمنا نصلي المغرب وجلسنا انا وعمتي نتقهوى وهي واقفه تنادي بناتها فلانه تعالي تقهوي علانه تعالي وتروح لهم لغرفهم وتجيب وحده من بناتها غصب وتجلس مالها خلق وتلعب في جوالها وتقوم ترجع لغرفتها ثم جلست مع عمتي وكانت على الصامت متسنده ورافعه راسها وسرحانه وانا افتح مواضيع وهي في عالم آخر ثم اساذنت ورجعت لبيتي بغيت والله اتكلم مدام انتم كذا معي ليش تصرون علي اني اجيكم او افكر اذا أصرت علي اجي المره الثانيه اني اتكلم ما اخليها في خاطري كني ذابحه لهم احد يا كافي يعني قدام عيني. امهم تدخل عليهم من غرفه لغرفه عشان يجاملون يجلسون معي وهي تجلس معي بدون نفس خير ان شاء الله مدري والله افكر اذا أصرت وعزمتني المره الجايه اني اتكلم اقول الي في خاطري

32 تعليق 3,765 مشاهدة

شاركي في النقاش

سجلي الدخول لإضافة تعليق.

التعليقات

32
  1. @am_mshaaal_1_1

    لا تتسري متدرين يمكن بشوفينك تتحملينهم وتعزيهم ولا على طول بتزعلي انتبهي وتعذري لهم يمكن كان بيقولو ليك شي واستحو كنك او يبونك تخذي راحتك
  2. @am_mshaaal_1_1

    خلي ذي مره تعدي بخيرها وشرها و تشكري من عمتيك يمكن تسوي فيكم اختبار وربي يصلح لامور يارب
  3. @sgayaa34

    لا تقولين اللي في خاطرك انتبهي
    فقط اذا عزموك قولي تعبانه مصدعه
    او تعبانه من ظهري يوجعني
    مره قولي عندي شغل في البيت كثيييير 
    لا تحطين العذر عيالك يحوسون غلط هالعذر..
    حطي العذر تعبانه او مصدعه او مشغوله عندي في البيت تعزيل ملابس وانظف تنظيف عميق زي كذا ...
    وبس 
    وروحي لهم مجامله في المناسبات زي عيد وحده ولدت نفاس شي رسمي فقط وزياره وقت قليل حدك ساعه ساعتين وامشي بس
  4. @josomeso

    قولي أللي في خاطرك
    انتي مابديتي في الغلط ولا غلطتي
    أنتي قدرتي وحضرتي ثم تعرضتي للأهانه وأنغلط بحقك

تابعي تجارب أخرى من هذا القسم.