بنات وجهوني في هذا الشهر الكريم

بنات ارجوكم ارجوكم انصحوني وجهوني مالي الا انتم بعد الله 
الموضوع واحد تقد لي كل المواصفات الظاهره فيه حلوه من طيبه اهله والوضيع المالي مرتاح ..  مافيه عيب الا جسمه مررة سمين بنات مو اي سمنه سمن مفرط يعني جسمه مو مقبول 🥺احياناً افكر اقول هذا وقت الزواج ماودي احد يشوفه من اهلي انا ماتشمت فيه بس اقولكم اللي بداخلي لان هذه عشره عمر وفي المقابل انا مو صغيره عمره ٣٣ سنه وجسمي نحيف وشكلي عادي وفرص الزواج قدامي مرره قليله مافي خطاب واذا جاء واحد يايكون مطلق وعنده عيال او يجي ولد بس يقولون مافي نصيب وهذا حالي وخواتي ثلاث اصغر مني متى بيجي دورهم افكر فيهم بنات توافقوا تجوزوا واحد ابداً مو متقبلين جسمه اخاف اوافق واندم او ارفض واتحسر اني ضيعت الفرصة بنات اكيد استخرت بس برضه عطوني رايكم يارب من تنصحني وتوجهني ينفتح لها كل باب مصكر كانت تتمناه ويحقق لها كل امنيه ويرزقها من حيث لا تحتسب في هذا الشهر الكريم واكتب وانا بين الاذان والاقامة بنات طلبتكم لاتخلوني وامي المسكينه تقول ماعندنا احد نستشيره قلت بسال البنات 
اول مرة تقدم لي قبل ٧ شهور وحدة مدري ادعي عليها او ايش اقول نقلت كلام بينا وسببت فتنه والحين عرفوا ان الحرمه هذه كذابه ورجعوا لنا مره ثانيه