مرهقه

مره زعلان تخيلو حتى امي تقولي اني انا مااعرف اسوالف 😔

بداية الكلام القليل احسن بس لازم تكوني اجتماعية شوي احكي في مواضيع انتي عرفاها ومرة عمرة بتتعودي مو ضروري انتي تفتحي موضوع اذا الطرف الي قبالك حكا شاركي واحكي

بحاول والله مشكلتي أني متعوده اني دايم اكون ساكته

حلي مشاكلك اولا الي تخليك محرجة او تخجلي تجلسي مع الناس قبل ماتحفظي مواضيع تتكلمي عنها مثلا عندك نقص في الثقة  او خجل او تأتأة او تغيير في الصوت او شعور بالانسحاب او الدونية او مشكلة باسنانك وشكلك شعرك يدينك لبسك او اي مشكلة تجعلك تعتقدي انك اقل من غيرك ، ثانيا تأكدي اذا المشكلة منك انتي او  من الناس الي انتي قاعدة معاهم يمكن تكون وحدة فيهم طول الوقت ماسكة الكلام ومواضيعها تافهة ماتهمك او تكون وحدة تتنمر عالباقيين او يكونوا كلهم كلامهم قيل وقال وغيبة بالناس يعني ممكن السبب يكون من الي حولك الاحظي نفسك هل دايما انتي ساكته ومستمعة مع كلللل الناس ولا بس صحبات امك وناس معينين واحيانا امك تكون معطيتك صورة عن نفسك مو صحيحة انتي لازم تعرفي نفسك كويس وتفهميها انه طبعك مو كذا دايما ساكته الا بأسباب لا تسكتي لاحد يقيمك ويحكم على شخصيتك بشي مو فيها  حتى لو كانت أمك خاصة انه تعطي انطباع للناس عنك صورة انتي مو حابها عن نفسك كلميها قولي لها ما احب تعطي الناس عني صورة عن شخصيتي  مختلفة عن حقيقتي مو معناته اني ماتكلمت مع صحباتك وجيرانك اني مو اجتماعية ،تأكدي  اولا من هذي النقاط مهمة وبعدين لو اكتشفتي انه فعلا عندك مشكلة حقيقية مع الناس لازم تتعالج تدريجيا ابداي اختلطي بالناس شوية شوية ابتسمي علقي على موقف قولي سلامات لوحدة كانت مريضة قولي حمدالله عالسلامة لوحدة جات من سفر وهكذا ابدأي تعلمي الردود والاسئلة وشوفي الناس ايش يقولوا وسوي زيهم احتكي وتعلمي 

معاك حق والله بعض سوالفهم والله ماارتاح لها بعضها حش وبعض قيل وقال وبعضه تنمر ماحسيت بالانتماء معهم بالجلسه ابدا يمكن عشانهم يتنمرو عليا او كل ماجلست معاهم قالولي ليش متسوين كذا وكذا وكمان وزني معذبني وربي كارهه نفسي جدا