اختي تبغى حل لمشاكلها مع بنتها

استغربت الام تقول لبنتها لاتطلقت محد بيتحملك على اساس الاب موجود وشايل مسووليات وقايم فيهم او تفكر مثلا تتطلق وتتزوج لها خلق زواج بعد 
البنت تفكر احسن من الام اما قالت لامها تتطلق يعني قصدها تطلقي من الاب هذا الي وجوده زي عدمه ونعيش لوحدنا ويجينا راتب ضمان اجتماعي ونعيش الحياه 
حزني الولد يبكي ونفسيته تاثرت وانسحب جهازه منه حرام الولد ينحرم من شي من حقه يكون عنده زي ماعند باقي اللي في عمره خلي اختك ترجعله جهازه 

خلي أختك تكثر من الصلاة على النبي و الله العظيم إن الله راح يعطيها حلول و يساعدها على تربية بنتها لازم تفرغ نفسها للصلاة على النبي لاتقول بعد ما أخلص شغل البيت أجلس أصلي على النبي لا، تصلي على النبي طول الوقت و هي تشتغل و جالسه و هي واقفه لأن الصلاة على النبي  تفرج الهموم لازم أختك تكثر الصلاة على النبي و تتعامل معها برسمية و إذا تهاوشت معها تطنشهاااا  ثانيا فقر الدم و نقص فيتامين دال و مشاكل الغدة تسبب نفسية لذلك لازم تعالج الدم توديها للمستوصف و تقول للدكتورة بنتي ماتسمع الكلام بأعطيها إبر حديد لأن أعراض فقر الدم تسبب خمول و كسل وتلعب بالنفسية بشكل ما أحد يتصوره و اكرر الصلاة على النبي تحل المشاكل خليها تصلي على النبي ١٠٠٠مرة

كان بودنا للأسف حنا خالاتها كل وحده بديره  وتاخذ علاجات بس الي فيها ماهم عارفين كيف العلاج والصحيح كل دكتور يعطيها ادويه كثيره دورتها كنها نزيف وعندها فقر دم وبنية جسمها اصغر بكثيرمن عمرها نحيفه ومره مافيها لاصحه ولاعافيه وحنا نادر نشوفها وكل مره لاصادف جتنا تخوف من النحف وقله النشاط 

ومن بعض حبوبها هرمون لتنظيم
وحبوب منع حمل لانها تعاني من ارتفاع هرمون الذكوره
وفيتاميات 
وهرمون كرتزول
ومدري امها عددت كثير هذا الي اذكره 
امها تنظف عنها لكن انشغلت برمضان واختبارات وقالت لها انتي اهتمي بغرفتك تكرمين عفنت صارت زباله امها انفجعت من كثر الذباب والوصخ السرير شي لايوصف امها ماهي قادره تفهمها والبنت تحسب الام ند وخصم لها 
الله يهديها ويصلحها ويشافيها
ويعافيها 
قالت لها خالتك بتزورنا الي هي انا نظفي قالت تعبانه مقدر وعادي خليها تجي وتشوف وصخي 
الله يعين امها انا خالتها واحس اني متضايقه بس من الي اسمعه