السلام عليكم جميعًا
كل عام وأنتم بخير وينعاد عليكم بالصحة والعافيه يارب 🤍
بتكلم عن موقف صارلي اليوم اول يوم عيد
انا مغتربه عن اهلي واليوم اول يوم عيد تجمعت مع البنات في الحديقه وم أعرفهم شخصيًا وهم ف نفس المدينه اللي انا فيها ودخلوني بالقروب ع اساس نتجمع العرب ونحتفل بالعيد طبعا هما مو مثل اهلنا اكيد بس يقولو اصحاب الغربه اهل وانا شفت عكس ذالك !!
هذي اول مره اتجمع فيها بالعيد في المدينه اللي انا فيها تقريبا اغلبهم عارفين بعض احس اني كنت منبوذهه حرفياً رحت وانا مبسوطه جداً وكنت مسويه توزيعات للاطفال، لكن رجعت احس اني ندمت اني رحت اعرف بنتين ف نفس المجموعه لكن برضو م كانو معايا مدري ليش ومطنشيني حاولت اني اجلس معاهم ولكن اغلب وقتهم مشغولين واصلا مو معبريني ): ! حسيت اني وحيده ومالي احد ومحد كان معطيني وجهه متخيلين اني جالسه لحالي ): وهم كلهم ف مجموعات مره حزت ف خاطري وتضايقت طيب على الاقل احد يناديني ولا لازم اروحلهم وادخل معاهم عرض هما شايفيني اني لحالي لكن كل وحده مع مجموعتها !!! انا من النوع الخجول لكن اجتماعيه وادخل على طول واحب اضحك ومو نفسيه رغم خجلي ،، لكن مو متطفله وانحرج اني افرض وجودي غصب !! ):
المهم كيف اقنع نفسي انو الموضوع م يزعل وعادي كيف اطنش وكانو م صار شي وانا للان مقهوره 😪💔!! بسالكم انتو ايش رايكم الموضوع عادي ولا انا ابالغ ولا فعلاً يزعل!!!!
شاركي في النقاش
سجلي الدخول لإضافة تعليق.
التعليقات
7- معك حق تتحسسي وهيك بس معلش ودايما نقول الله يختار الأحسن يعني من الممكن لو قعدتي معاهن كان صار شي أسوء وما الى ذٰلك انسي الي صار وعَيدي وكل عام وانتم بخير🤍
- يا ليت انك بجده كان قلت لك تعالي لا ابوهم ولا ابو من جابهم ... انا مريت مثلك وانقهرت بس صرت اتوقع اسواء الحلات في كل اموري عشان اتقبل الواقع
- ايه ثاني مره لو اجتمعتم افرضي نفسك و انبسطي لروووووحك حتى لو شافوك متطفله عل قولتك بكيفهم اهم شي تونسني
مها الألمعي ايه ثاني مره لو اجتمعتم افرضي نفسك و انبسطي لروووووحك حتى لو شافوك متطفله عل قولتك بكيفهم اهم شي تونسني
ومن قال ان فيه ثاني مره اول مره واخر مره😂لا والله الزم م علي كرامتي واصلا هذي اخر سنه لي بالغربه بعدها بعيد عند اهلي واقاربي… ربي يسعدك على الرد اللي يجبر الخاطر 🥺🤍🌸🌙 31 معك حق تتحسسي وهيك بس معلش ودايما نقول الله يختار الأحسن يعني من الممكن لو قعدتي معاهن كان صار شي أسوء وما الى ذٰلك انسي الي صار وعَيدي وكل عام وانتم بخير🤍
صحيح ربي يختارلنا الاحسن انا مو زعلانه منهم لانهم م يهموني ولا اعرفهم
زعلانه من الموقف اول مره يصير معايا كذا لو جلست ف بيتي افضل 😔
مواضيع مشابهة
تابعي تجارب أخرى من هذا القسم.