العمليه القيصيريه للبكريه

حياك الله حبيبتي أنا بولادتي البكر قيصري
اول مااستغرقت بعد العملية با أربع ساعات ولاشي دخل بطني لااكل ولا مويا ولا كنت اتكلم عشان مايدخلك هواء على الهواء الي دخل مع العملية لان الغازات تعادل الم ولادة 💔وبعد مامر اربع ساعات مشيت بمساعدة الفريق بعدها انسدحت بعدها حاولت قد مااقدر وبكيت وتعذبت بس حاولي عشان تتعافين بسرعة لفي على جمبك يقلبي عشان ترتاحي اكثر بعد ماحاولت الف على جمبي صرت الف كذا مره واتحرك واقوم امشي لو ٥ دقايق وكنت ماسكة الحديدة حق المغذي ارتكي عليها وكنت اروح الحمام اشربي يانسون ونعناع واشياء حارة عشان الغازات امضغي اللقمة قد ماتقدري عشان ماتعورك في بطنك بعد كل هذا يعطونك مسكن وتنامي احلى نومة يجي اليوم الثاني يبدء الالم يتقلص وتمشي بنفسك شوي شوي وبعد ماترجعين بيتك امشي في صالتك وتنوية جداً مهم اذا جيتي تمشين من اول خطوة تكفيييين خلي استقامتك متوازية لاتمشين منحنية وخايفة لك اجر تحملي يقلبي
مثل ماقلت لك الاكل كلي اشياء خفايف وصحية اول ٣ ايام وامضغيها زين كثري سوايل لاتتهاوني با المحلول اللي يعطونك حطيه مع ماء واشربيه عشان يخفف الامساك ويسهل عليك اتركي عنك الاكل الدسم والسمن والخرابيط ذي اقلها اول ثلاث ايام عشان الامساك وثقل الاكل صدقيني اسبوع فقط برحمة الله الا وانتي تمارسين حياتك بشكل عادي جداً وتتحركي وتقومي بدون مساعدة واذا جيتي تتروشين امسحي العملية نشفيها زييييين من برا وعقميها يومياً اكثر من٤ مرات بالمسحة الطبية
انتظري ٧ ايام كذا وابدي ف الكالسيوم والحديد عشان ماتسبب امساك
ركزي ذكرت الامساك اكثر من مرة لانه مهم جداً في صحتك ونفسيتك
اختصر لك الكثير
ركزي ع اككلك
ركزي على السوايل
ركزي على المشي قد ماتقدري بستقااااامة
ركزي على الرضاعة لانها تساعد على التئم الجرح صح يعور بس تحملي وحاولي اكثر من مره تخلي البيبي يلتقم الحلمة عشان يجي الحليب
ركزي على المر اول ماتطلعي من بعد العملية شميه عشان لو جاك احد متعطر ما تتألمي
نامي يعمري زين اخذي هستوب اذا ماجاك نوم
لاتكثري جلوس كثير اول ٣ ايام عشان ماتضغطي العملية اذا احد ضحكك او فيك ضحك او كحة او عطسة اخذي مخدة واعفصيها بيدك تفرق كثير
اهتمي بشكلك الخارجي ونظافتك الداخلية ترين تفرق كثير في صحتك ونفسيتك
هون الله عليك الاسبوع الاول كتب الله اجرك ورزقك بر وسلامة مولودك🥰💖...

انا استغرقت ٧ ايام عشان امارس حياتي بشكل طبيعي
واخواتي الثنتين لاقوة الا بالله ٣ ايام الا وهم يجلسون على الارض ويمشون ويطلعون بعد بسم الله عليهم
من جسم لجسم يفرق كثير
ممكن انا عشان عطوني طلق صناعي وقعدت عليه يومين وصلت ٦ سنتي بعدين الاكسجين قل ودخلوني عملية يعني اخذت اسبوع لان صحتي تعبت من قبل العملية
ولا غيري ماشاء الله من٣ ل٤ ايام الا والوضع عادي

ولله ماقد جربت ولا عندى خلفيه

ربي يسعدك ويعطيكي الف عافييييه والله كلامك ريحني الحمدلله🤍

المسكنات في البداية بتعينك كثير حتى ما بتحسين بالالم  والايام كفيلة بالتشافي بس تغذي كويس ونامي كويس ...ولا تنسي ترضعي طفلك او ماتسمح لك الفرصة  في وضعية للوالدة قيصري شوفيها وخلي احد يساعدك