نصيحة لكل البنات من واقع تجربة

السلام عليكم في البداية انا سعيدة لانظمامي الى اخواتي في عالم حواء وهذي أول مشاركة لي واتمنى اني أكون عند حسن ظن الجميع
طبعا نصيحتي لكن الإبتعاد قدر الإمكان عن الكريمات الضارة والمنظفات والصابونات وغيرها واكيد انتوا ملاحظين هذا الوقت الضجة اللي مسوينها البنات حول كريمات التفتيح والتقشير والنفخ وغيرها
وانا احب اقول يابنات البشرة انواع وكل وحدة الله عطاها لون وبشرة خاصة فيها انتي اللي عليش حاولي تحافضين عليها من الشمش والأتربة ولاتدمرينها بالكريمات والخرابيط . الله سبحانه خلق الإنسان في أحسن تقويم فالحمد لله على هذة النعمه يابنات صدقوني الرضا بالذات والثقة بالنفس أهم شي وكل بنت حلوة أذا هي اهتمت بنظافتها وشكلها وريحتها ونسقت ملابسها وحسنت أخلافها وزادت علمها وثقافتها صدقوني بتكون حلوة حتى بدون ماكياج...... ولا شو رايكم بكلامي
والله ان الكريمات والماكياج والخرابيط هذي اللي معبيه الأسواق والصيدليات ماهي إلا خسارة مادية وصحية وتدمر بشرتك مع الأيام والهدف منها ليس إلا اللعب بعقول النساء واستغلالهن ماديا
وياليت يابنات تطالعون في بشرات النسوان الكبار زي امهاتنا وجداتنا وشوفوا بشراتهم ماأحلاها بالرغم ان قدهم كبيرات في السن بس والله صافيه وحلوة وفيها نظارة بعد ، لأنهم مادمروها زينا بالكريمات والتقشير وغيرها
طبعا انا لست ضد الإهتمام بالبشرة أنا مع الإهتمام بالبشرة ولكن بأشياء طبيعية مية في المية
وأنا ماقلت لكم كل هذا الكلام إلا من واقع تجربة واتمنى تستفيدوا وتقتنعون بكلامي وسلامتكم