ماعد اقدر اصبر تعبت

ي حليلها تتمصلح الله يهديها يمكن تكبر وتعقل وتفهم وتخجل من تصرفاتها معك شكلك طيبه وبنت حلال ولا تلحقينها بالاكل لييش والله امي إلى هي امي عمرها مالحقتني بالاكل في نوع من البشر إذا عاملتيه بالطيب يركب راسه ويحسب انه ع حق وانتي إلى غلطتي في حقه وهذا اقل شي تسوينه له
بالنسبه للوضع المالي لازم تتوظفين وتعزين نفسك وعيالك والله الوحده قلبها يتقطع لا شافت عيالها محرومين وأقل من غيرهم بالذات الوقت هذا الي كله مظاهر إذا انتي من أهل جده ترا فيه وظايف كثير فيه وظيفه قالو لي عليها راتبها ٤٥٠٠استقبال ف شركه دوام من ١٠الصبح إلى ٤ العصر لو باقي ماراح اشوفها لك لو تبغين انا والله ودي بالوظيفه لكن ولدي الله يحفظه لسه صغير ماقدر اخليه

انا بطنشها وكذا مره سويتها بس هي تجي وتطلع المشاكل انا مو حاطتها براسي وربي لو هي في حالها ماكان شكيت لكم اذا حتى عماتها يحذروني منها طيحتهم بمشاكل لالها اول ولاتالي وارتاحو منها لماجت عندي بس ليش تسوي فيني كذا وتكرهني بعيشتي مااتحمل الوسخ الي انا قاعده اشوفه كل يوم صح ماني ملزومه فيها اصلا هي تحب تاكل لحالها بس اناديها اذا سويت العشا وترفض واخليها واخوانها اذا اشترو شي من البقاله والله انهم يعطونها لحد سريرها هي متمرده ومافي شي عاجبها نزلتها السوق معي قلت باخذ الي ناقصنا من اغراض بسيطه انصدمت انها ماخذه خواتم واكسسوارات ومناكير وانا ماحسيت عليها جا يحاسب زوجي قال ليش كثرتو قلت والله اني مااخذت الا داخليه بس وراني الفاتوره وهاوش بنته قال تطلبين وترجعين تاخذين من السوق الشهر الي فات طلبت ب500 والشهر هذا معبيه السله ب600 قلتلها مافي داعي عيد رمضان طلبتي ثلاث فساتين ومحد شافها البسي منها قالت لا برجع اطلب قلت بكيفك
اما الوظيفه مستحيل يخليني زوجي كاشيره متشدد مره

والله ندمت لما لحقتها بالفطور وحقرتني وكمان سألتها اذا تبغى مويه عشان ادخل اجيبلها والله اني غبيه
ماني بجده للأسف اللحين حتى الي شهاداتهم جامعيه مايحصلون وظايف انا ماكملت الثانوي

خذي قرار جذري واطلعي من البيت انتي وعيالك ياخذلكم شقه لحالكم وهي تجلس بوصاختها محد بيتحمل القرف من عياله خل باقي من بنت زوج

كلمته اليوم قالي بكيفك اذا بتطلعين بس اولادي يقعدون عندي مايروحون معك
ومره كلمته بالجوال قلتله ماعد اقدر اعيش ف ذا البيت والله لانزل شنطتي واحط كل اغراضنا فيها واتصل على اخواني وطلعت تتسمع علي يوم نسولف عن الشنط قالت هذي كل ماقلتي زعلتي بتاخذينها قهرتني والله قلت اقول كلام اكيد مافي شي يستاهل اني اطلع من البيت عشانه