انتباه ضروري

بسم الله الرحمن الرحيم
كنت بنبه اخواتنا العضوات عاامر جدا مهم وخطير ولاعرفت احطه في قسم واتمنى من الاداره وضعه في القسم الصحيح ليستفيدوا العضوات منه وينتبهوا 
صاحبتي خشت عاشركات الاستقدام واتس
راسلها واحد يقول انه في الشركه واسبوع وتجيك الشغاله
وارسلها رابط عشان يقول تدفع رسوم الظاهر ٢٠٠ريال مبلغ تافه صحيح
والرابط ذا يدخلها هاموقع مزيف اسمه سداد وخشت تبي تسدد وكل معلوماتها تطلع عند الرجال وزرف منهم ٣٦ألف 
فاانتبهوا اي رابط لاتفكونه قالك برسلك موقع سداد قولي انا اخش من عندي من تطبيق البنك تبعي لاتخشين عن طريق الرابط اللي هو ارسله قوليله ارسلي رقم حساب الموسسه وانا اسدد راح يرتبك ويدور عذر لاتصدقونهم ولا تفكون اي رابط يوديك لسداد كثرت السرقات والناس ماعاد تخاف الله فاانتبهوا من ذي الحركه
وشكرا

10 تعليق 709 مشاهدة

شاركي في النقاش

سجلي الدخول لإضافة تعليق.

التعليقات

10
  1. زائرة

    ولا تفكون اي رابط يوديك لجهه حكوميه او بنك
    الجهه الحكوميه والبنك لهم تطبيق خشوا عن طريقه
    بالمجمل والمفيد لاتفكون اي رابط مجهول او مرسل لك يوديك لبنك او جهه حكوميه كلهم نصابين
  2. اي سمعت القصص ذي
    بالذات في رمضان
    الله يعينهم..و حسبي الله عليهم 🤦🏻‍♀️🤦🏻‍♀️

تابعي تجارب أخرى من هذا القسم.