انا صار لي والده ٣ شهور ومن وانا حامل كانت نفسيتي زفت مره ودايم مكتئبه وبس ابكي وفيني وسواس الامراض الشينه والخوف من الفقد بنات ماكنت كذا ابدا قبل الحمل كنت طبيعيه جداً ولما ولدت بدت الالم فيني تنميل بالراس والجسم واحس بشي يسار بطني من النص بثقل كذا مع شد وعلى الكلى من ورا مستمر معي له شهرين متصورين مابقى مستشفى مارحت له اللي التهاب جدار معده واللي قولون تعبت وربي واللي مجنني انه مستمر والا يوم يفك لا شاد طول الايام حتى مع الحبوب مافادت والحين يابنات عظامي ومفاصلي لهم كم اسبوع الم وكل يوم يزيد عن اللي قبله وربي تعبت من التفكير صلحت تحاليل دمي كويس والفيتامين د٢٢ عندي
بس اتمنى اعرف وش علتي كارهه نفسي واحس اني ماراح ارجع نفس قبل ابدا الدنيا جدا باهته في عيني 💔
شاركي في النقاش
سجلي الدخول لإضافة تعليق.
التعليقات
9- الله يشفيك يارب العالمين هذا اختلاف هرمونات لاتخافي بيهدا كل شي عندك بس اهم شي حللي انزيمات للكبد ووصائف الكلى وكولي حبوب بي تولف B12
وباذن الله امورك تمام
والله محدثتك الحمدلله فيها كل شي
وحافضي على صلاتك في وقتها بسرعه ودعاء يونس وكرري لا اله الا اله الا الله وحده كررري طول الوقت
واذا حسيتي ضيقه لاتقعدي اتصلي اطلعي المهم لاتقعدي
وبعد فيتامينات كولي وتاكدي من مخزون الحديد
انا لي ٦سنوات وانا اقول بموت في فراشي والحمدلله صرت اسوي اللي فوق كله وماقعد علطول اتصل على صديقه خفيفه دم واغير جو - واول ما اصحى اخذ مويه دافيه وكلعقه عسل الانوكا واسمع قران بصوت شبخ احبه
- حللت كل اللي قلتي عنه قبل شهر كله تمام الحمدلله وشكر لله بس اللي فيني صدق معذب نفسيتي دعواتك لي تكفين 💔
- بما انك عملتي فحوصات وتحاليل وما استفدتي
هل جربتي تعملين فحوصات للعمود الفقري والرقبه ؟
يمكن في عندك فقره تحركت شوي عن مكانها وصارت تضغط على احد الاعصاب
وعشان تفهمين اكثر شوفي هذا الفيديو واسمعي شرح الدكتور حتى لو طويل صحتك تستاهل انك تصبرين وتبحثين عن الحل اللي ممكن يكون غايب عن بعض الاطباء
فيديو YouTube - يمكن عندك وسواس في الالم بما انك ذكرتي عندك وسواس في الامراض الشينه
علاجك بعد الله سبحان قراءة القران واشربي زمزم
واقراي سورة البقره وسورة الفاتحه الشافيه
وحاولي دايما تسترخين ولاتعطين نفسك للتفكير وللوساوس
ناظري مولودك وعطيه اهتمام غيري من نفسك
مواضيع مشابهة
تابعي تجارب أخرى من هذا القسم.