زوجي يرفض اطلع اتمشى مع اهلي

السلام عليكم لي متزوجة ٤ سنين وزوجي يرفض اطلع مع اهلي الحديقة والكوفي او مع صديقاتي .. وهو كل وقته يسهر بالاستراحة مايرجع الا الفجر ويمشينا مره بالاسبوع البر او البحر .. ويرفض اروح مع السوق مع ان امي كبيره بالسن يقول خلي اخواتك يروحون معاها انتي لا .. وحتى بعبايتي يتدخل ويختارها لي سادة 
انا عمري ٢٦ وهو ٣٤ بس تفكيره تفكير شياب ومايحب اننا نتمشى باماكن عامه وفيها ناس والحديقة يودينا الساعه٣ فالليل تكون فاضية مافيها احد مره تعبت معه ودي اروح واجي واتمشى واقابل اهلي وصديقاتي باماكن عامه والبس العبايه اللي ابي 💔💔💔💔 
وحتى لو اروح لصديقتي بالبيت يقول لاتتاخرين وكل شوي يدق و يرسل 
عطوني حل كلمته واقنعته وزعلت وهاوشت ولافاد 

19 تعليق 9,200 مشاهدة

شاركي في النقاش

سجلي الدخول لإضافة تعليق.

التعليقات

19
  1. @noor124

    حبيبتي وانتي وش ردة فعلك ؟؟

    ذكريه بربه حرام اللي يسويه

    لا تكوني فقط مطيعه

    تناقشي معه بالعقل والمنطق

    قولي النعجه اذا حبستها بتموت

    وجيبي سيرة الرسول انه عائشه تزور صديقتها

    ولا كان يمنعها

    خوفيه من الله

    اما تسكتين بدون نقاش بيتمادى

    بعض الرجال ما ينعطون وجه مو عيشه ذي
  2. @algory_237

    ذا مريض ولو سكتي له مع السنوات بيزيد اعرف واحده مثلك صارت ماتشرف الشارع مع السنوات
  3. @ngmh_21

    اجلسي معاه جلسة مصارحه وقولي له انك موب راضيه على منعه لك من الطلعات وقولي له عطني سبب مقنع
    الا اذا كان يشك فيك ومافيه سبب للشك لانك

    اولا انتي طالعه مع اهلك محد غريب علشان يمنعك ومعاك أشخاص كبار ومن عمرك
    ثانيا رايحه مكان معروف
    ثالثا اكيد ماراح تطلعي انصاص الليالي
    هذه من حقك ولازم تدافعي عن نفسك لو حتى صارت مشاكل لكن لا تخليه يتعدى حدوده معك هذه الأشياء اليوم حرمك من الطلعات بكره راح يحرمك من حاجات ثانيه
    واذا عطوك خبر عشان راح يطلعوا 
    قولي له رايحه اليوم مشوار مع فلانه إلى المكان الفلاني الساعه ... وعطيتها كلمه
    وقومي جهزي حالك
    لا تسمعي له ابد قالك مافيه ومافيه قولي مو قاعده اسوي شي حرام تمنعني عنه وانا اللي اقرر موب انت وتراني وحده كبيره وعاقله تقرر عني
    رجاء لا تسكتي

تابعي تجارب أخرى من هذا القسم.