اي وحده تجاوبني والله بدعي لها بكل صلاتي

احنا اللي نختار اقدارنا؟

جبتي العيد..


كلامك صار زي تخاريف الجذب بثياب شرعيه!


كل ردودك نسخ لصق رقيا رقيا امنا بالله وجهة نظرك في الحياه متطرفه وانه كل شي بالرقيا مع انه لايدعمها كلام لا من كتاب ولا سنه، الهوس بالرقيا اللي انت عايشته غريييب، بس انك الان دخلتي في الاقدار؟ الاقدار من رب العالمين والانسان يختار السعاده بالرضا والتسليم، شطحتي بعيد بكلامك الغريب العجيب

الله يرزق الكافر والملحد وابشع الخلق من الداخل والخارج وش تفسيرك؟
حتى عبدة الشياطين ياكلون ويشربون من رزق الله،. ولاقلوبهم بيضا من الداخل مثل الثلج؟

منطق غريب ومن الكيس..

طيب كيف تفسرين إن اشد الناس ابتلاء هم الأنبيـاء ؟؟و كثير من الصحابة كانوا فقراء وين الأرزاق ؟؟

ترى غلط نربط الأرزاق بالقرب من الله سبحانه

لأنها ببساطة دنيـا ..ما بعد جت الآخرة عشان نتجازى

الله سبحانه وتعالى يعطي الدنيا لمن يحب ويكره

لكن ما يعطي نعيم الآخرة إلا لمن يحب

ولو الدنيا ذي تسوى جناح بعوضة عند ربي ، ما سقى كافر فيها شربـة مـاء .

والدليل ان مثل ما تقول الأخـت ،كثير شفنا من زميلات و صديقات ،ما يصلون نهائي ، الأظافر ما تنشال من عليهم ، وما عندهم أي حرص ع الصلاة ، و شوفي حياتهم زوج محب و سفريات وأطفال ووظايف ومشاريـع ..!!

ناهيك عن تبرجهم و خلافـه .

هل معناها ختمت السعادة ؟هل ضمنت السعادة الأخروية و الدنيوية خلاص .,؟

لا طبعاًمب هذا هدفنـا ..ولا كان تبرجنا وطلعنا عالشاشات وصرنا مشاهير .

نظرتنا كمسلمين ضروري تكون بعيدة شوي . تكون للآخــــرة .

والتعليقات بالتيك توك ، تخلف و نظرة قاصرة ، يمكن هم نيتهم زينة لو كانوا يفترضون إن فيك عين أو حسد ،لازم ترقين نفسك وتعملين بالأسباب و تلتزمين بالدين عشان يضعف الشيطان

ولكن إذا يربطون الرزق = بالمعاصي ،فهذا مب واقعي .

فيه نقطة لصاحبة الموضوع حبيت اقولها

مب معنى ان وحدة تزوجت صغيرة يعني مختمة السعادة ولا مستقرة ولا مبسوطة ...ووو

ترى يمكن تعاني من أمور ما تقول لك عنهـا ..

بالعكس يمكنها شالت الهموم بدري ..و تحسدك ان اغلب شبابك راح وانتي متهنية ما شلتي هم طلاق ولا زوج صعب ولا مسؤولية البزران الخ

فقط حبيت اذكرك

واذا دعيتي بالزواج ادعي بكل المواصفات الحلوة الي تتمنينها ، لأن مب كل زواج = حلو

اعتذر عن اسلوبي في الردين الاولين..
لكن ياعزيزتي الإيمان إقرار باللسان، واعتقاد بالقلب، وعمل بالجوارح..

ترا كثير من اهل المعاصي في نعم وثروات والان اللي في السناب والمغنيات هل قلبها ابيض وهذا سبب رزقها؟

اشوف في كلامك بخس للحق واهله، الرزق موزع باقدار الله اعرف ناس اصحاب حقد ومشاكل تزوجو وانجبو وناس فيهم طيبه وسماحه وتأخر رزقهم لحكمه لايعلمها الا الله..

ربط الرزق بهذي الاشياء فيه اذى لناس كثير والارزاق بيد الله اذا المشركين والملحدين والطواغيت يعيشون احيانا ً في نعيم نجي نقول لانسان موحد اللي مانع رزقك هو قلبك واحقادك..

الموضوع اكبر من كذا واشوف انه مايجوز حصر وتوزيع الارزاق بهذي الطريقه،
الله اعطانا سبل استجلاب الارزاق في الكتاب والسنه واضحه جليه واللي تأخر رزقه في امتحان من الله ماله علاقه بياض القلب بالموضوع..

على الانسان السعي وكل شي بيد الده وان خصل تأخير فهو خيره ولو بياض القلب سبب للرزق كان شفنا اغنى الناس اطيبهم واقربهم من الله..

اللهم ارنا الحق حقاً وارزقنا اتباعه وارنازالباطل باطلاً وارزقنا اجتنابه