أحس إني إنسانة أؤذي الآخرين

السلام عليكم ورحمة الله وبركاته 
كيف حالكم جميعا ..
انا احتاج مساعدة في أمر معقدني شوية ، بداية الموضوع بدأت في المرحلة الثانوية ربي ابتلاني في موقف لفترة طويلة كان احد من عائلتي أكبر مني كل ما ناكل يمزح معاي ، وللأمانة مزحه كان ثقيل ويزعلني وكنت ارد عليه واتضارب معاه ، لين ما أمي قالتلي أسكتي منه ولا تردي عليه ، وصرت ما أرد عليه وساكته منه بس كلامه بشكل يومي صار يزعل أكثر لين ما وصل لمرحلة التنمر بدون ما يدري انه هذا اسمه تنمر ، وما وقّف من التنمر لين ما اختي خاصمته وقالتله هذا تنمر وهو أدرك غلطه ووقف ..
لكن انا من بعد هذا الموقف صرت ما اعرف اخذ حقي زي الناس  ، صارت اغلب الأشياء مكبوتة في قلبي وقفدت الثقة في نفسي سنة اولى ثنوي الثقة في النفس صارت صفر وبس اعتذر للناس وعانيييت كثييييير لين ما تحسّنت .. 
لكن تحول هذا السكوت انفجر في إني صرت عدائية أكثر على الشخص اللي آذاني من العيلة أكثر من البقية ..
وامي تقولي اسلوبك معاه مو حلو وانا ارجع ابكي معرف وش أسوي وبعد سنتين قدرت اسامح هذا الشخص وتعلمت من الموقف اللي صارلي وهذي حكمة وخيرة من الله 
لكن صرت اواجه مشكلة ثانية اني بعض الأحيان ارجع اتكلم معاه بعدائية وهذا سبّبلي خوف ووساوس صرت اقول انا بس ازعّل الناس ، يمكن كلامي زعّلهم ، يمكن اسلوبي مو حلو وكلام كثيييير 
حتى اني قعدت مع امي وصارحتها اني احس اني شخص سيء وبس أزعل الناس قالتلي لا هذا كله كلام خطأ ومن عقلك ومدري اش بس بعض الأحيان احس اسلوبي مو حلو وخايفة ازعّل أحد وامي كل ما اقلها هذا الكلام تقلي غلط هذي الاشياء اللي تفكرين فيها..
بس كيف أحسن طريقة تفكيري لأني معرف ما أحب فكرة انو الناس يزعلوا مني او من طريقة كلامي ؟؟؟


مع اني حاطة عاداتي السلبية في المذكرة واحاول اعدلها واتقدم للأحسن ان شاء الله 
بس ممكن تفيدوني بطريقة اوقف فيها تفكير في هذه الأشياء