زوجي ممل ومقدر افضفض للقريب يتشمت

تكلمت معه بوضوح وصراحه
وطلعت له اللي بقلبي وخاطري

وقلت له حتى اني مو حاسه بالاستقرار بسبب السفريه كل شهر او شهرين

يقول ماله دخل السفر بالاستقرار
وهذا طبع فيني ماحب اتركك واسافر يومين
المصيبه انه سافر بعدها بوقت 3 ايام و تركني ببيتي هالشي خلاني مااصدق كلامه اني مايبي يتركني لحالي

اكثري من الحوقلة وربي يفرج همك باذنه

الله ايفرج همك انتي حساسه شوي معظم الازواج سرقهم الجوال والنت من زوجاتهم والسنه الأولي أصعب عام إذا هو شخص كويس وخلوق اسعي في الحمل صدقيني بعد الأطفال اشياء كثيره تتغير عارفه مو بيدك بس اجتهدي في الدعاء وزوري طبيبه الله ايرزقك ويفرج همك

وربي كأنك تتكلمين عن زوجي بداية زواجنا كان يخليني عند اهلي بالاشهر ينبسط اذا كان لحاله وحتى انا كنت احب اجلس عند اهلي بس بعد سنين طفش ابوي منا وصار يتكلم انه مايبيني اجلس عنده واطول حدي يومين او ثلاث واسافر ووقتها جبت ولدي وكنت حامل بالبنت انفجر فيني وقال لاعد اشوفك تجين وتطولين عندنا 💔💔 وعلى التاسع عاد جلست عندهم اجباري عشان ولادتي وولدت بعمليه وتعبت مره وعاد رحمني وجلست عندهم اكثر من 40 يوم ماتكلم
بس بعدها صرت انا اعرف ومااطول ومرت السنين وصارت ظروف لدرجة اللحين ماعد اقدر اسافر واطول عندهم
الحياة تتغير ياقلبي صدقيني بيجي يوم تتمنين الايام هذي انا وربي اشتقت 😞
لاتدققين ترى كل الرجال كذا ينبسطون لحالهم

هي وحده من الثنتين يا إما زوجك هذا طبعه من قبل الزواج وماحب يغيره وشافك ساكته مره واثنين وثلاث وعجبه الوضع او ان وراه شي من ذي السفرات وانه رسمي معك ومو مهتم ليش طيب كل هذا المفروض اول سنه تمشي بينكم عادي هو صحيح مشاكل اول السنوات وتحتاجون وقت تفهمون بعض لكن شوفي حل لوضعك مو معقول يستمر كذا بكره يجيك عيال وترتبطين فيهم ويكون القرار صعب عليك انتي كلمتيه مافاد معاه دخلي احد من اهلك او اهله يكلمه ينصحه يشوف وش في خاطره هو ليه كذا وبعدها قرري مصير حياتك معاه اما تستمري او تنفصلي بدون اطفال احسن لك الف مره