زوجته الثانيه تتهمني بالسحر ..

يستفزني نقطة ان الوحده اذا تزوج عليها زوجها تبدأتبرر انها جميله وخلوقه وسنعه وملاك يمشي على الارض وكأنها حاسه بالتأنيب واللوم والعار من نفسها
ترى الزوج لما يتزوج او يخون هذا لانه فقط خاين لعوب نسونجي ماعنده ثقه في نفسه
الزوجه مالها أي علاقه ولا فيها أي شي يعيبها بس حبيت اقول هذا الكلام قبل أي شي
اما بخصوص زوجك واحلام السحر عزيزتي فكري فيها بمنطق هل لو فعلا مشكوك فيك بالسحر بيطلقك على المستريح وهو ما خلاك تفكين سحرهم عشان يعيشون بهناء وسلام ؟
سالفة احلام السحر مجرد حجه وعذر لانه ماهو لاقي أي عذر سمين يقدمه لك
وماتدرين يمكن كان خادع المسكينه اللي متزوجها ومفهمها انه الحمل الوديع اعزب او منفصل عن زوجته الشريره الظالمه واقنعها تتزوجه ويمكن هي عرفت الحقيقه وبدأت المشاكل تدخل حياتهم وقال خلاص بيطلق عشان ما تسحب عليه الثانيه
اللي يعجبني في بعض الجنسيات العربيه الثانيه ان البنت تكون شجاعه وما تقبل بالخداع والكذب وتطلع حقها من نص عيونه وتخليه يلف حول نفسه مليون لفه عشان ترضى عليه
عموما ما اعرف الاجراءات القانونيه لكن اذا زوجك مقصر في نفقتك وهاجرك اثبتيها عليه وبالقانون خذيها من نص عيونه
اللي يعدد يتحمل المسؤليه بنات الناس مو لعبه
مانتي مجبوره تتحملين التقصير في حقوقك واصلا سكوتك يعتبر اعانه ومساعده له على الظلم واكل الحق

شكراً عزيزتي لردك .. وقد يكون تفسيرك صحيح .. الامر الثاني.. سبب التبرير لان كثير من الناس يجزم ان زواج الزوج بسبب تقصير الزوجه ويحملك مسؤلية زواجه .. غير كذا انه مش تبرير بقد ماهو استفهام وتعجب فقط ..

خليك قويه
وارفعي دعوى النفقه واذا هددك بالطلاق قولي له عادي ماعاد يهمني هالشي اهم شي أطفالي ونفقتهم
وانتي حاولي تتوظفي وتكوني مستقله ماديا
ودام اتهمك بالسحر خلاص هذا نهاية المطاف
وقولي له مو كل رؤيه تصدق
واطفالك عايشين به وبدونه ويمكن بدونه افضل

ياختي يزعل ويطير لكن ايش ذنب عياله حتى النفقه ماينفق عليهم وفوقها يهدد بالطلاق

الله يفرج همك وييسر أمرك يارب