زوجي رافض اكون مطربة

حبيبتي شكرا للنصيحة ربي يجزيك خير♥️

الله يجزيك خير مشكورة للنصيحة❤

سمعينا اغنيه من جد نفسي اسمع صوتك🤔

تدرين كنت باقولك تغنين بين الحريم بس وشوفي زوجك . بس عرفت منك رفض وامك تقول لاتخسرين زوجك . اختي طاعة الزوج اولى دامها مو في الحرام وكلام امك فيه الخير ان شاء الله. إذا هو مصمم على الرفض حتى لو بين الحريم خلاص اختي عادي انتي موهوبة ومونهاية الدنيا استغليها بشي ثاني قراءة لك ولزوجك . معليه اختي انتي اهني خليتي موهبتك لك ولزوجك وان شاءالله هو يكون راضي عليك ، والله يهدي صديقتك كلامها مرره غلط ويعبر عن سوء تدبيرها في ذي الامور لانه ي قلبي لاسمح الله تبدي مشاكل اكبر بينك وبينه لأنك خالفتي رغبته .
من ترك شيء لله عوضه الله خيرا منه . الله يخليكم لبعض ويرزقكم الذرية الصالحة

وايدات أصواتهم حلوة ويمكن أحسن من المطربات الموجودات اليوم في الساحة الفنية على قولتهم, لكن ما يغنون لأنهم فاهمين الدنيا قصيرة وما يسوى علينا نحمل جبال من الذنوب على ظهورنا يوم القيامة وربنا يعذبنا بسببها

.... نفس الكلام بالنسبةلنساء جميلات جدا موجودات وهم وايدات لكن اختاروا ما يحطون صورهم على السوشيال ميديا ويتكشفون على الناس.

اتركي عنك هالطريق اللي ما يؤدي الا الى خسارة الدنيا والاخرة, وفي وقت راح تجي ناس يوم القيامة بجبال من الحسنات واعمال الخير , تبين تكتشفين انه قضيتي وقتك في الغنا؟ وقتها كيف الاحساس بيكون؟

اسمعي كلام زوجك يا خيتي . والله لو زوجي أو أزواج ثانيين حتى ما يتقبلون انك تفتحين الموضوع معاهم.

الفراغ نعععععععمة من رب العباد استغليه في اللي يفيدك واللي اتحبينه غير الغناء ... الرياضة , اعمال يدوية , تجارة منزلية , حفظ القران ومراجعته, زراعة, سباحة , وغيره كثير.

وبالنسبة للصديقة اللي تبي تعصيك على زوجك وأمك , انتبهي منها مليووووون مرة , ياما مثل هالنصايح هدمت بيوت.