تركني زوجي وانا عروس ..

ليه انتو عوايدكم الوحدة في العيد تقعد مع زوجها وعيالها في بيتهم؟
كل الي اعرفهم في الاعياد يروحون عند امهاتهم وينامون عندهم

حاولي ماتتواصلي معاه وياليت لو عندكم رجال كبير في العائله يتكلم معاه ويعرف هو وش ناوي معاك ناوي يكمل معاك أو يطلق لازم تعرفي مصيرك معاه

كأنك تتكلمين عني في فترة صعبة مرت علي.

كنت مخطوبة سنة, وقبلها زوجي يحاول يتقدم من سنتين ( يعني 3 سنوات يالله تزوجنا)!
بعد الزواج زوجي قعد معاي بالضيط 3 أسابيع فقطططط وسافر (للبلد اللي يشتغل فيها) وانا عروس, رجعت بيت هلي وقلبي منكسر ويتقطع وأنا أودعه في المطار خصوصا زواجنا كان بعد صبر.

رجع بعدها بعد فترة طويلة لما صار عنده أجازة ومرة ثانية قعد معاي اقل ن عشرين يوم بس ورجع سافر مرة ثانية. وفي أول سنة زواج... السنة كاملة: قعدنا مع بعض يادوب كم من أسبوع.

والسنة اللي بعدها كان زمن الكورونا وعلقنا مثل غيرنا.

كانت فترة صعبة جدا جدا جدا نفسيا لانك مع اهلك لازم ما اتبينين انك متضايقة على فرقى زوجك ولازم تتظاهرين انه امورك تمام وسعيدة وانتي قلبك يتقطع , خصوصا في المناسبات كلن جاي مع زوجه وزوجته الا انتي رجعتي كانك ما عمرك تزوجتي.

ما يحس بنارك ونار زوجك الا اللي مر بنفس الظروف : من عدم الاستقرار , والشوق , والقلق انه البعد يخليه ينساك أو يقسى,وغير انك اتشوفين اللي حواليك يحملون ماشاءالله وانتي لا.

الزبدة: أنه هذا الوقت الصعب بيمر. وباذن الله تجتمعين ع زوجك من قريب واتعيشون مع بعض.وقتها بتنسين الهم وعدم الاستقرار كله .

نصيحتي: لا اتشكين في انه نساك لأنه يمر بظروف أصعب من ظروفك بكثير , على الأقل انتي مع اهلك وفي مجتمعك وبين ناسك, لكن هو في الغربة لوحده تماما, ومشتاقلك اكيد , خصوصا انه رجل وسبق له الزواج ( وانتي فاهمة قصدي) يعني يحتاج زوجة جنبه, لكنه ساكت وصابر عشان يوفر العيشة الطيبة لكم.

خليك قوية , واتواصلي معاه طول اليوم, طرشيله رسالة لما تصحين ولما اتنامين وفي خلال  اليوم اساليه عن يومه وأحواله, واتصلوا على بعض كثير.

عليك بالدعااااااااااااء خصوصا احنا في العشر من ذي الحجة , واستعيذي بالله من الشيطان, واشغلي وقتك ويومك بحيث ما اتخلين للحزن مجال.


أتمنى أكون فدتك.
.

حبيبتي العيشه ف السعوديه غاليه وانتي ذكرتي ان. جوزك مرتبه بسيط لذالك هو َمعذور لسه ماكون نفسه ولا يقدر ع التكاليف اعذريه وترا ماله علاقه بزواجه السابق

ياقلبي بقولك شي ترا الوظايف عندنا مو نفس اول حنا السعوديين نتبهذل عشان نحصل عمل
وفعلا الرواتب قليل جدا وكل شي صار غالي
الحياة عندنا اصعب من اول ب٢٠ مره
تفاهمي معه انه يدورلك شغل ويجيبك فيزة عمل
او تروحون الكويت الكويت ماعندهم ضرايب و ولاعندهم دفع شهري على التابعين
بس السعوديه غاليه ٤ الاف ماتفتح بيت ولا تكفي بس خلي احد كبير يكلمه عشان يفهم انه وراك احد والوضع هذا غلط ومايرضي ابوكي واهلك