إياك ان تشجع او تشجعي ابنتك على عدم الزواج

كلامه اصنفه رأي شخصي يناسبه هو فقط ويناسب توجهاته
وللاسف يحاول يعممه ويلبسه لباس ديني عشان يلاقي القبول عند امثاله من الضعوف الهشين اللي ما يستشعرون برجولتهم إلا بالتسلط على الانثى ومحاولة السيطره عليها بمنعها من التعليم والوظيفه والعيش بشكل طبيعي مثل كل الناس
هذا نظام اللي يقول اخذها قطوه مغمضه وربيها على يدك مايدري ان هذا الشي الناس بطلوه من زمان

صادقه حنا بزمن يخوف مو زي اول الحين من اهم الاشياء للزوجه يكون لها دخل مادي خاص فيها وبالنسبه لي بنتي ماني مزوجتها الابعد الجامعه قسمها حلو وشاطره بسم الله عليها ولو تبي ماجستير انا اول من يشجعها وشرط من شروط زواجها بااذن الله انه لايمانع الوظيفه ولها راتب خاص فيها تاخذ اللي تبيه بدون ذل ماندري ممكن يصير بخيل او تعامله معها شين ابي اعزها من تجربتي ماارتحت الا يوم صار لي فلوس لي لحالي قبل انذل وتحقيق ولايجي اللي ابيه بعد الحمدلله الحين راااحه نفسيه اجيب اللي ابيه بدون نكد
وحده اعرفها متبهذله مع زوجها مايصرف عليهم الا بالقطاره وصابره قسم بالله انمرضت ومستشفيات ومواعيد وعندها عيال وش سوت بعد سنوااات؟
توظفت وكبر ولدها وتطلقت وهجت عنه قبل ماعندها شي وارتاحت من شره بفضل الله ثم هالوظيفه وطابت
زمان اول لايقارن بزمننا حاليا

امان المرأه بعدالله فلوسها وبس

تدرين إن زواج أول الي هو زواج أمي وأمك الله يحفظهم كان زواج ناجح وجميل
لأن رجال أول كانوا رجال فيهم شهامه وأصل ورجوله لسانهم نظيف ويدهم قصيره ويحشمون زوجاتهم لكن الحين الوضع يحزن الشباب مستهترين ولايحشمون وتحسين معد عندهم قيم ومبادي والبنات مصرقعات يحسبون الدعوى لعب وتمشيه.
لاصبر ولا تقدير أو تقديس لرابط الزواج.
عشان كذى إنعدم الإحساس بالأمان من الطرفين.
البنت تقول وظيفتي أولى والولد ضارب بالحياه عرض الحائط.
فمن هنا يكثر الطلاق وتبعاته السيئه للأسف

كلامك عين العقل خلي بنتك تدرس براحه ولا تخلين احد يضغط عليها عشان تتزوج لين تتوظف الزواج مو هدف كثر الوظيفة

طيب الشباب المستهترين واللي ماعندهم لا قيم ولا مبادئ مسؤولية من
مو الام والاب هم اللي ربوا ولدهم على الاستهتار وعلى اللامبالاة