شاركي في النقاش

سجلي الدخول لإضافة تعليق.

التعليقات

1,039
  1. @bysho8

    Abeer400
    السلام عليكم اخباركم جميعاً تعرفون مستشفى يسوي تحليل التكسر غير سمير عباس بالرياض ؟
    الحبيب يسووون بس غالي مره حول ٢٠٠٠ او اكثر لان يرسلون العينة اظن لبرى بالنسبة لي اذكر يوم ابحث وادق على المراكز كان سمير عباس افضلهم سعر وبعضهم ما عندهم وبعض المختبرات العادية صاروا يسووون لكن ما انصح اكيد أفضل مركز متخصص للعقم.
  2. @bysho8

    سمسمه
    انا عندي ضعف لكن مع التنشيط البويضات تكبر لكن ماتتلقح وزوجي كان عنده لزوجه وخفت لكن طبعا حللنا بمختبر عادي ماحللتت بمختبر مختص وسويت اشعة صبغة مرتين سليم الحمدالله وبشهر٧ هجري اللي طاف سويت تلقيح صناعي الدكتور كلامه لنا تاخير حمل غير مفسر …
    بالنسبة لي اشوف دام عمرك كبير وقربتي من الاربعين انصحك استعجلي وسوي أنابيب لا تنتظرين الحمل الطبيعيولا تحاولين تلقيح حتى لو زوجك حلل في مركز عقم وصار سليم لان عمرك ما يسمح للانتظار للحمل الطبيعي وعلى فكرة انا في المستشفى اغلب اللي معي سليمين هم وازواجهم انتظروا الحمل الطبيعي وما صارلما مشت الايام وبعضهم وصل عشر سنوات بس لانهم صغار مقبول ينتظرون اما اللي تعدى ٣٧ ابدا استخيري واقنعي زوجك وتوكلي على الله عشان ما تندمين بعدين انك ما سويتيها ويكون فات الوقت عليك ربي يبشرك بما يسرك وبالحمل التام والذرية الصالحة.
  3. @smsmh

    بيشو8
    بالنسبة لي اشوف دام عمرك كبير وقربتي من الاربعين انصحك استعجلي وسوي أنابيب لا تنتظرين الحمل الطبيعيولا تحاولين تلقيح حتى لو زوجك حلل في مركز عقم وصار سليم لان عمرك ما يسمح للانتظار للحمل الطبيعي وعلى فكرة انا في المستشفى اغلب اللي معي سليم…
    والله كلامك صادقه وهذاي اكلم زوجي
    المشكله المبالغ ماتلعب لازم تجميع فالحمدالله ان شاءالله بروح بعد ااعيد للكشف المبدئي
    ويارررب يااااارب تكرمنا بالضنى يارررب
    انا والجميع وكل من يبي يارب

    اليوم صحتتتت لمين داخ راسي والحمدالله
  4. @smsmh

    بيشو8
    بالنسبة لي اشوف دام عمرك كبير وقربتي من الاربعين انصحك استعجلي وسوي أنابيب لا تنتظرين الحمل الطبيعيولا تحاولين تلقيح حتى لو زوجك حلل في مركز عقم وصار سليم لان عمرك ما يسمح للانتظار للحمل الطبيعي وعلى فكرة انا في المستشفى اغلب اللي معي سليم…
    معليش وين تنصحيني اروح انابيب
    مشكله مادري وين اسال
    الله يسعدك
  5. @bysho8

    سمسمه
    معليش وين تنصحيني اروح انابيب مشكله مادري وين اسال الله يسعدك
    مالي خبرة الصراحه في المستشفيات الخاص ولا قد جربت أحد فيهم لاني مسويتها حكومي بس عموما يعتمد على متطلباتك تبين دكتورة او دكتور وميزانيتك وتحاليلكم اذا زوجك الحمد لله ما عنده هذيك المشاكل فيناسبكم الحبيب لانه ارخص اسعار مقارنة بذرية وغيره من المراكز أنا دكتورتي اللي سوت لي عملية السحب والارجاع في الحكومي تشتغل في الحبيب العليا اسمها راقية الجاسر استشارية عقم وأنابيب ومناظير نسائية وبرضوا طبيب الذكورة لزوجي في الحكومي بروفيسو صالح بن صالح برضوا يشتغل في الحبيب العليا دكتورة راقيه يدها بسم الله عليها خفيفه ماتعبت الحمد لله وكلنا اللي سوينا معها نفس اليوم الحمد لله نجحت عملياتنا بس وحده اجهضت عقب ربي يعوضها لكن طبعا المختبر مره بعد مهم ولا لي خبرة هل مختبر الحبيب العليا كويس ولا لا والدكتورة حاليا ماخذه اجازه ماشاء الله بارك الله توها والده من يومين صارت ياقلبي تسوي لنا العمليات وهي حامل كنت مفكرتها سمينه 😅ومن المشهورين في الحبيب الدكتور بندر ودلال الشمري يشتغلون حبيب الريان والحقيقه ارجع أكرر مالي تجارب وخبرة عشان اقدر افيدك مره زين. وعموما هم مجرد أسباب والرزق من الله لان مستحيل دكتور كل اللي عنده فشل او دكتور كل اللي عنده نجاح بس اهم شي دكتور ترتاحين له وتعامله وخطته مريحتك.

تابعي تجارب أخرى من هذا القسم.