زوجي وشغله اللي مايخلص !!

بنات انا زوجي تاجر وموظف كمان المهم ٨٠٪؜ من وقته مشغول وشغله عنده خط احمر يعني عادي يقعد ٣ ايام مايجي امه عشانه مشغول مع ان امه جنبنا اغلب روتين يومه ينام اخر الليل يصحى الساعه ١١ الصباح يروح شغله يرجع الساعه ١ يتغدا احياناً ياخذ غفوه بعد الغدا للعصر واذا ماخذ غفوه يتقهوى معاي للعصر وبعدها يرجع شغله ومايرجع البيت الى ١ او ٢ بالليل وعلى هالحاله بس انا مدري متى يخلص شغله بالتحديد بس اوقات اعرف انه يطلع يتقهوى مع اخوياه بس مو كثير نادراً او اذا انعزم على عشا يروح المهم انا طفشت والله ي بنات مع اني اشوف بعيوني انه مشغول وشغله كثير بس فيه اوقات يرفه عن نفسه ويطلع مع اخوياه طيب ليه هالاوقات ذي مايفكر بمقاضي البيت ؟؟ ليه الاوقات ذي مايقول يلا خليني اطلع مع زوجتي؟ والله يمكن لنا ٣ شهور ماطلعنا مع بعض انا اطلع الحال وهو الحال والبيت فاضي لي اسبوعين اقوله خلينا انقضي يقول طيب وما اضغط عليه اسكت لانه اعرف انه مشغول انا عارفه انه ملتزم بشغل ويبغى يرفع عن نفسه بس بالاسبوع يفضى بالليل تقريباً ٣ مرات كلها لاخوياه ولنفسه ليه مايفكر طيب بالبيت او فيني ! المهم اللحين جا وقال جهزي شورتي قلت وين بتروح قال بروح ممشا مع صاحبي انا هنا انضغطت لانه امس راح ممشى ! انا متأكده انه هو طالب صاحبه يروح معاه الممشى لان زوجي المشي عنده شي اساسي طيب ليه مايقول يلا خلينا نروح ممشى انا وانتي ! قلت له خلينا نقضي قال صاحبي ينتظرني قلت طيب انا عارفه انه عيد ومو وقت المقاضي بس انا ما اصدق انك تفضى ولي فتره ما اتكلم لاني عارفه انك مره مشغول بس يعني فكر بزوجتك فكر بمقاضي البيت وقت فراغك قول بوقت الفراغ من زمان ماطلعت زوجي خليني اطلعها خليني امشيها انا عاذرتك عشان شغلك بس فكر فينا قال طيب 🙂 كلامي كان بهدوء مره واللحين حاسه بالذنب مره ما احب اضغط عليه وقت شغله مع اني موفره له سبل الراحه كامله غدا وجاهز دايم ولما يرجع يلقى القهوه جاهزه ومافيه نكد بالبيت ولا هواش لان زوجي وقت الشغل نفسيته تتغير مره هل صح كلامي له ؟؟

5 تعليق 732 مشاهدة

شاركي في النقاش

سجلي الدخول لإضافة تعليق.

التعليقات

5
  1. @mymy_57_1

    كلامك صح انتي قولي له ودني عنداهلي دام مانت فاضي لي بس بدون هواش ولاشي هل كلمه تكفي بكيفه فهم مافهم خليك عنداهلك وخليك قويه لين يجي هوبنفسه ويعترف انه مقصرولاماعنده اهتمام مره
  2. @goyryh_5

    الان تزوجتيه وانتي ماتعرفين طبيعة عمله ؟
    ولا لمن تزوجتي ماعاد ناسبك عمله ووقته ؟!
  3. @alaanod47

    ارحمي زوجك ياخي فوق ما انه يشتغل ليل نهار و موفر لك كل شي و كل التعب عليه تزعلين يوم يطلع ينبسط شوي؟
  4. @goyryh_5

    وبعدين اذا تبين تقضين خل يعطيك قيمة اغراض البيت وانتي اطلبي من التطبيق او هو، لاتموتون جوع ولاهم يحزنون حاولوا ياحريم تعيشون وقتكم باريحيه وشوفوا الحلول اللي تحل لو جزءمن مشاكلكم ،ترانا بعام ٢٠٢٢ ،والرجال ارسلي له رسايل واتس غازليه ودلعيه خل ينتعش قلبه ويشتاق لك ولا ترى حتى اللي قاعد ببيته منكد على زوجته ومو عايشه حياتها الله ييسر لكم الامر
  5. @asbryso_1

    اسبوعين البيت فاضي وتنظرينه يقضي؟!!ليه ماتطلبين اغراض البيت تجي لعندك هذي حلها سهل

تابعي تجارب أخرى من هذا القسم.