زوجي راجع من انتدابه عطوني افكار

السلام عليكم
كيفكم بنات

زوجي جاي من انتداب مده شهرين تقريبا بياخذنا ويرجع لعمله

ودي اسوي شي بس ماني عارفه ابي تغيير روتين بما انه رجع وكذا احس حياتي نااشفه ابي فعاليات🥲😂

اقترحو علي وبخصوص الماديه عادي اطلب منه يعطيني وكيف ممكن اطلبها مثلا اقول بسوي مفاجاه ولا كيف لان ماعندي المبلغ وودي اغير روتين 😢

12 تعليق 1,684 مشاهدة

شاركي في النقاش

سجلي الدخول لإضافة تعليق.

التعليقات

12
  1. @aldosry

    اهلا حياتي
    مافهمت شنو يعني انتداب 🤣
    موضوع تاخذين منه فلوس
    اذا هو غثيث يسال ليش
    او شنو احتياجج
    ف الله يعينج اختلقي جذبه بيضاء ابي اشتري بدله او جنطه او مكياج ضروري او "عندي شيء خصوصي ابي فلوس له "
    عاد شتسوين بالضبط مدري 🤣
    اذا تحجزين مطعم ؟ وكخضه ورد وجذي
    ولا تشترين هديه عطر او عود
    او تسوين ببيتج تشترين الكيك الميني وتكتبين فوقه اي شيء مع هديه والليله تكون سخنه
    حاولي تبدعين معه وانتي قاعده
    صيري فرفوشه
    لان كلل الرياجيل فعلا الشديد واللين والعصبي يحبون الفرفوشه ف اضحكي ذاك اليوم او بالاصح ابتمسي
    سوي له تدليك ادهني جسمه ب زيت قبلها
    ولا اخذي شمعه صغيره وحطيها فوق ظهره وصكري عليها كوب بس لاتحرقينه🤣

    وادعي قبلها ان تكون لحظات حلوه
    واسال الله ان يديم بينكم الحب والالفه والاحترام والموده
  2. لا تتكلفين ...
    بخري البيت و نظفيه و تزيني و تعطري و البسي فستان ناعم ...

    حطي ضيافه شاهي وقهوه و مكسرات و كيكه مكتوب ( نورت بيتك يالغالي ) ... و بوكيه ورد مكتوب عالبطاقه الحمدلله على السلامه حبيبي

    واذا دخل استقبليه و ضميه و حسسيه انك مشتاقه له . و طلعي لك دمعتين انك فرحانه بوصوله ..

    والله يديمكم لبعض .❤
  3. صاحبة الموضوع
    دلال
    اهلا حياتي مافهمت شنو يعني انتداب 🤣 موضوع تاخذين منه فلوس اذا هو غثيث يسال ليش او شنو احتياجج ف الله يعينج اختلقي جذبه بيضاء ابي اشتري بدله او جنطه او مكياج ضروري او "عندي شيء خصوصي ابي فلوس له " عاد شتسوين بالضبط مدري 🤣 اذا تحجزين م…
    مهمة عمل في مدينه ثانيه
  4. زائرة

    ظهري مشاعرك الحقيقيه اتجاهه وبيكون احلي استقبال. الله ايديم الفرح عليك
  5. @bnt_slyman_1

    حليمه الحليمه
    لا تتكلفين ... بخري البيت و نظفيه و تزيني و تعطري و البسي فستان ناعم ... حطي ضيافه شاهي وقهوه و مكسرات و كيكه مكتوب ( نورت بيتك يالغالي ) ... و بوكيه ورد مكتوب عالبطاقه الحمدلله على السلامه حبيبي واذا دخل استقبليه و ضميه و حسسيه انك مشت…
    معك.. ماشاءالله ردك حلو ياحليمه

تابعي تجارب أخرى من هذا القسم.