هذا ردي على سلفتي .. صح انا او غلط .

السلام عليكم ورحمة الله وبركاته …

سلفتي دايم تطلب مني افتح لها الباب بحكم انه ساكنين عماره وهي بالشقه الي فوق وانا شقتي ارضيه .. دايم ترسل لي افتح لها الباب او لاهلها او لشغالتهم او لاخوانها او لاختها سوا كانت برا البيت او بالبيت .. وكنت عادي افتح و اخذت الموضوع من جهة انه نعمل خير .. وانا صراحة طفشت كل شوي افتح او ارسل اولادي يفتحون الباب لها ، واخر ٣ مرات ارسلت لي طنشتها ماردت ولا فتحت ، لكن مره اخر مره قالت لي افتح لاخوها وكنت مطنشتها ، مااكتفت رسالة واتس لا اتصال واتس راحت تدق علي اتصال طنشتها مارديت لكن بعد اتصالها تدق ام زوجي علي افتح له .. وش هالموضوع الكبير الي يخليك تكلمين ام زوجي تكلمني افتح لاخوك ومعروف انها عندهم فالبيت ليه ماجات مع اخوها وفتحت له لبيتها .. وبالعاده اهل زوجي مايحبوني الا وقت مصلحتهم مايتصلون الا لمصلحتهم مايجون عندي الا لانه مالقوا احد يستقبلهم لانه بمنطقة بعيده عني .. عشان كذا تنرفزت و ارسلت لها هذا الرد .. (😳بقية اهلي افتح له ؟؟؟؟ ، قالت :ايش 😂 ، قلت لها :مدري عنك تقولين افتح لاخوك انا مو بواب هنا الرايح والجاي افتح له ، قالت :و الله عيب عيب انا لو اعرف انك انتي تفتحي الباب ما ارسلت ..بس البزران يفتحون الباب عيب و الله يعني جيران و ما يضرك و لا شي لو فتحتي بالعكس بقلك شكرا و الله يسعدك المهم حصل خير و منجد الجار قبل الدار.. ، قلت لها : فعلا الجار قبل الدار .. وبعدها بيومين تضربني بلوك ) من غير تجريح او سب مااحلل .. اعطوني رايكم هل انا صح او غلطت .. انا انسان اي احد يحتاجني اضرب له صدري ،، لكن يوم احتاج احد يسولف معي معطيني ظهره .. ليتكم فهمتوني صح .. والي زيي كذا اش سوت .. ؟

21 تعليق 1,142 مشاهدة

شاركي في النقاش

سجلي الدخول لإضافة تعليق.

التعليقات

21

تابعي تجارب أخرى من هذا القسم.