المقارنة بين السلفات

اخواتي ابا اقول لكم قصتي انا بنت تزوجت واهلي من طبقة بسيطة وزوجي هم اغنياء الحمدلله عندهم كل شيء من بيوت وسيارات يعني ما ناقصنهم شيء المهم انا لما طلبت المهر طلبت شيء بسيط وعرسي كان في كورونا يعني كانت حفلة بسيطة فالحمدلله كنت سعيدة جدًا بكل شيء لان بنسبة لي كل هذا شيء كبير المهم ام زوجي سالتني تحبيني تعيشين معانا ولا بروحك مع زوجك قلت لها ابا اكون معاكم عشان انا صغيرة وعمري 17 كنت بدخل 18 قلت بتعلم منها اكل وكل شيء المهم تزوجت والحمد لله حملت جبت ولد بس ام زوجي عذبتني في حياتي كرهتني اعيش معاها وانا قسم بالله من يوم زواجي ما رديت عليها هي إنسانه مريضة نفسيًا وتذلني وتكرهني المهم صبرت الحين من يومين اخو زوجي تزوج والله يا بنات البنت جدًا فقيرة رحنا بيت اهلها ما عندهم اكل يعطون حق حد لهدرجة مسكينة بس هي اشترطت على اهل زوجي مهر جدًا كبير اكبر من مهري بخمس مرات وكان عرسها قبل امس في افهم القاعات وامس سافرت والله يا بنات انا مقهورة اشترو لها فلة كبيرة في منطقة قريبة من امها لان هي قالت لهم وهي اكبر مني بشوي بس يا بنات انا طول ايام زواجي عشتها في نكد وغم وهم ام زوجي نفسية ما تكلم حد وما تخلي اهلي يزورني بيتها ولا سلمت على امي والله بس يوم الزواج شافتها كم مرة قلت حق زوجي سفرني يقول صبري صبري انا وانتي وامي نسافر كل شيء كل شيء امه امه امه مرة ضربتني قال تحملي كل ما تصارخ في وجهي يقول تحملي انا خلاص بنفجر ما تعطيني وجه وانا صغيرة ويشهد الله اني حبوبة بين اهل ام زوجي كلهم يمدحوني وهي تغار مني شو اسوي ليش يقارنون بينا سلفتي تسافر وتستانس وانا كل يوم ضرابة

11 تعليق 998 مشاهدة

شاركي في النقاش

سجلي الدخول لإضافة تعليق.

التعليقات

11
  1. @mrhm_1

    صاحبة الموضوع
    كرهت حياتي وكرهت اليوم الي تزوجت فيه
    والله ما اخبر اهلي ولأ شي دائما اكذب عليهم اقول لهم انا سعيدة في حياتي انا ما اطلب ولا شيء من اهلي زوجي بدأت اشتغل عشان اصرف على نفسي
  2. @shmokhanth_1

    انتي الغلطانه رضيتي بالقليل ومستكثره على نفسك تعيشي لوحدك مع زوجك عشان كذا شافوك ولاشي
  3. @Af_1287

    شوفي حبيبتي اولا الله يسخر لك زوجك يارب وماراح اقولك انتي السبب انك وافقتي بهالحياه لان ماراح يفيد هالكلام
    بعدين حبيبتي اوك هي كبيرة بالعمر بس ماهو لدرجة تستحقرك وتضربك لازم توقفينها عند حدها واهم شي وضروري انك تخبرين اهلك لان لو ماخبرتيهم راح يذلوك اكثر واكثر لان ماشافوا وراك سند خذي ولدك وروحي لهلك وعلميهم بكل شي وقولي ماراح ارجع الا ببيت مستقل واهلك لهم مني كل الاحترام وماراح اقطعهم وازورهم لكن لازم بيت مستقل اعيش فيه على راحتي واعزم اللي ابيهم على قولتك هم ناس الله معطيهم يعني راح يوفروا لك هالبيت اذا كان فعلاً تهميه ونصيحه لاتجاملي على حساب راحتك النفسيه راح تندمي خبري اهلك عشان يتصرفون هذا عمر كيف بتقضيه معها كذا وهي تعاملك بهالأسلوب
  4. @mrhm_1

    صاحبة الموضوع
    فريال
    شوفي حبيبتي اولا الله يسخر لك زوجك يارب وماراح اقولك انتي السبب انك وافقتي بهالحياه لان ماراح يفيد هالكلام بعدين حبيبتي اوك هي كبيرة بالعمر بس ماهو لدرجة تستحقرك وتضربك لازم توقفينها عند حدها واهم شي وضروري انك تخبرين اهلك لان لو ماخبرتي…
    زوجي قال إذا خبرتي اهلك لا تكلميني ولا اكلمك
    لان هو يخاف من اهلي ابوي يحبني ويموت في
    عشان جي هو يخاف من ابوه

تابعي تجارب أخرى من هذا القسم.