بخاطري افضفض

مساء الخير اخباركم ياحلوين
كتبت موضوع سابق لي ان اهل زوجي جوني لما جو اهلي وانحشرو اهلي وقعدو ٣ ايام ومشو بسبب الحشره
وللحين اهل زوجي عندي هم وبنتهم وزوجها لهم اسبوعين عندي وداخلين بالاسبوع الثالث لهم ثلاث ايام المشكله اكرف كرف واخت زوجي ابد ماتحط يدها بشي الا بالمزاج
يعني اعطيكم مثل مره قال لها زوجها ابي اكل من يدك سوت الغداء وقامت ماغسلت شي
انا غسلت كل شي وهذي اشوفها ميزه انها سوت الغداء
بقية الايام اذا الاكل ماهو بطلعه انا اسويه
يعني مره قمت لقيت لوانيهم حقت الفطور الي تسويها ام زوجي طبعا
وغسلتهم وسويت الغداء هي بس سوت القهوه لخوها وزوجها حتى ماذوقتني منها
ولانظفت معي ولا حتى سلطه قطعتها معي ويوم خلصت انظف البيت واغسل اغراض الغداء كلها لان حضرتها اكلت وقامت حتى اغراض القهوه حقتهم انا غسلتها
واذا طلعو اغراض الطلعه اغسلها لحالي اغراض العشاء انا اغسلها واسويها مره كنت رايحه لسوق جيت الساعه ١٠ بالليل لقيت ماحد سوى العشاء والاغراض على خبري ماحد غسل
وسويت العشاء ويوم خلصت مع اغراض الي جبتهم المطبخ يخوف جت وشافته قالت خليه بكره عشان اساعدك طبعا كان يخوف ماينصبر عليه واقعد للفجر انظف واليوم الثاني كرف ولا ساعدتني
اخرها امس تشوفني مضغوطه جت وغسلت ترامسها ومشت وانا بين العشاء والتنظيف ويوم جيت لقيتها مرسله واتس شيلي لزوجي من العشاء تعبان بينام جلطتني
المشكله مدلعه عمره نقش واستشوار وعطور وانا ودي بكذا بس مافيه وقت ولا حيل
اخرتها امس ماخذه المبخره موديتها لغرفتها ويوم احتجتها اليوم جايين الرجال ماجابتها نايمه حتى لما ارسلت لها بنتي قالت زين روحي ولا شفت مبخره ولا شفتها لين جاء وقت الغداء غير بخرت لرجال بقصدير
مع العلم عندي بنتين صغار وانا بينهن وبين البيت والترتيب لدرجة لجاء وقت النوم اعجز انام من قوة التعب جسمي ينبض
الحين عرفت انهم بيقعدون مو ماشين وولدهم جاي عمتي رافضه الرجعه رفض قطعي وعمي يبي الرجعه وبنتهم زوجها بيداوم الاثنين الي بيجي وبتقعد عندي سوا قعدو اهلها او مشو بتقعد عندي اقل شي دوام زوجها اسبوعين
احس ابنجلط مدري وش اسوي انا لو مو مضغوطه عادي حتى غرفة التلفزيون ينامو بها مايمدي الهي بناتي بالتلفزيون
جتني اختي من الاسبوع الي راح واشوى ساعدتني وفكت ازمه والحين بتسافر وشايله هم مره
ولاتقولون بيساعدونك لراحت اختك لانهم ماساعدوني وهي مو موجده

46 تعليق 3,119 مشاهدة

شاركي في النقاش

سجلي الدخول لإضافة تعليق.

التعليقات

46
  1. @tfaol

    ياعمري و ربي انجلطت و انقهرت و انا مالي شغل ، ماادري ايش اقلك الله غير يعينك و يساعدك و احتسبي الاجر ، و لازم تقولي لزوجك انك تعبانة و ريحي نفسك مو لازم كل يوم تطبخي خليه يجيب من برا و بيني امك تعبانة ، لجسدك عليك حق
  2. @shhd_82_1

    مافيها شي ان صارحتيها بطريقه حلوه او كلمي ريلج بيفهمش بس انتبهي تقولين بطريقة الطرطه بس فهمي زوجك انك تعبانه وان يفهم اخته تساعده وامه لو انها طيبه ما بتخليك تتعبين او اطلبي شغاله
  3. زوجك مو شايف؟
    لا يكون مفكرينك آلة ما بتتعبى
    ا ازا الآلة وقت بتشتغل زيادة بتحمى عاد البنى آدم
    الله يعينك ويصبرك
  4. @ghym_3_3

    وزوجك شايف الوضع وساكت؟غريبه في شي صاير واحنا مو فاهمين السالفه يمكن سويتي لهم شي وحابين يردونها لك بمكيده وتكرفين لهم؟. ولو م سويتي لهم شي بيض الله وجهك انتي ماقصرتي خلي زوجك يوديك لاهلك لان مو من واجبك شرعاً تقابلين اهله لكن انتي قوليها له بقعدة هداوه انك شوف عينك اختك جايبه زوجها ولا تطبخ له الا يوم طلبها رحمني ولد الناس وحماتي م رحمتني والتنظيف تراكم كل شي علي وانا نظفت وتجي من وراي توصخ بيتي ؟انا حشمت اهلك وحطيتهم فوق راسي بس ماهم مقدريني ولامحترمين خصوصيتنا لذلك اسمح لي اترك البيت لها ولزوجها تاخذ راحتها وانا بروح انام وارتاح عند اهلي لاني تعبانه وابي بناتي حتى ياخذون راحتهم بالتلفزون.واذا انه م وداك ورفض ف يدك لا تلممممس اي شي الا لك ولبناتك فقط حتى هو انسيه مسوي باشا قدام اهله وماخذك خدامه؟؟؟وجععع ناس م ترحم الله ياخذ اشكالهم ويحسبي عليهم

تابعي تجارب أخرى من هذا القسم.